Грамадства2121

Павел Латушка пахваліўся, што ён — першы мушкецёр у Беларусі

«Я хацеў у Беларусі стварыць роту мушкецёраў. Хацеў у Нясвіжскім палацы арганізаваць гэтую цырымонію».

Пра свой незвычайны статус палітык расказаў у ток-шоу «Перетрём с Халезиным». Звяртаючыся да вядоўцы, Латушка спытаў: «А ты ведаеш, што я першы ў Беларусі мушкецёр?» — і патлумачыў, ад каго атрымаў ганаровае званне, калі працаваў паслом Беларусі ў Францыі:

«Я атрымаў гэты тытул з рук Эмеры дэ Мантэск’ю д’Артаньяна, які рашэннем прэм’ер-міністра Францыі [Франсуа] Фіёна атрымаў права насіць гэты тытул у пятым пакаленні».

Па словах Латушкі, ён пазнаёміўся з сенатарам французскага парламента Эмеры дэ Мантэск’ю д’Артаньянам, нашчадкам славутага мушкецёра. Палітык патлумачыў, што гэтае званне надаецца пераважна высокапастаўленым асобам:

«Там, канечне, прынята было, што паслы найперш маглі б атрымаць такі тытул мушкецёра. Там былі міністры, там былі прэм’ер-міністры, гэтым тытулам валодае [Ірына] Бокава, калі я працаваў [паслом], яна была генеральным дырэктарам ЮНЕСКА».

Цырымонія прайшла ў горадзе Арманьяк, у радавым замку д’Артаньянаў. Латушка падзяліўся ўражаннямі ад атмасферы старадаўняга маёнтка:

«У яго замак на 50 спальняў. Я начаваў у гэтым замку, у мяне было адчуванне, што я акунуўся ў XVIII ці XIX стагоддзе. Вось рэальна такая атмасфера і такая цырымонія. Яна была звязаная з тым, што там даюць «Арманьяк». Я быў самым галоўным з тых, каму давалі гэты тытул».

Палітык расказаў, што разам з тытулам атрымаў «плашч адпаведны, ордэн», і з гэтага пачалася ягоная місія. Яна палягала ў тым, каб стварыць у Беларусі ўласную роту мушкецёраў:

«Калі я не памыляюся, калі ты створыш роту ў сваёй краіне, там іншы плашч даюць, іншага колеру. Калі я прыехаў у Мінск, пачаў званіць некаторым генералам, Рачкоўскі быў такі, старшыня Пагранічнага камітэта, нейкім спартсменам. Хацеў у Нясвіжскім палацы арганізаваць гэтую цырымонію. Ну, на жаль, не паспеў».

Павел Латушка быў прыняты ў «Роту мушкецёраў Арманьяка» (Compagnie des Mousquetaires d'Armagnac). Гэта не вайсковае падраздзяленне, а прэстыжнае міжнароднае таварыства, заснаванае ў 1951 годзе. Яго мэта — прасоўванне культуры, гісторыі і гастранамічных традыцый французскага рэгіёна Гасконь. Галоўны сімвал таварыства — знакаміты брэндзі «Арманьяк».

«Тытул мушкецёра» — гэта ганаровае сяброўства, якое надаецца вядомым асобам з розных краін: палітыкам, дыпламатам, дзеячам мастацтва, бізнесоўцам. Яго маюць, напрыклад, акцёр Леанарда Ды Капрыа і князь Манака Альбер II. Сёння гэтае таварыства налічвае звыш 3000 мушкецёраў па ўсім свеце.

Стварыць «роту» ў сваёй краіне — гэта адна з місій, якую можа ўзяць на сябе ўдзельнік таварыства. Гаворка ідзе пра заснаванне нацыянальнага філіяла або «эскадрона» (squadron), які б аб’ядноўваў уплывовых людзей Беларусі для прасоўвання культурных і эканамічных сувязяў з Францыяй. Гэта форма культурнай дыпламатыі.

Каментары21

  • Мы все..
    02.10.2025
    ...а ты Д'Артаньян? Ты на что намекаешь?
  • Ваш кэп
    02.10.2025
    Естественно, потому что первым мушкетёром стал не Лукашенко, инициатива не взошла. Первым может быть только он. А жаль.
  • Джентельмен есть, мушкетер есть, а где баба Галя?
    02.10.2025
    Сидит в цырке семья с умственно отсталым ребенком:

    - Смотри, это папа бегемотик, это мама бегемотик...
    - Агде баба Галя?

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Беларускі хлеб збіраюцца захоўваць па паўгода

Ці можна перамагчы баршчэўнік воцатам і соллю?3

Еўрапейскім грузаперавозчыкам дазволілі ездзіць па тэрыторыі Беларусі. Але толькі пры пэўных умовах

Mark Formelle аб'явіў пра маштабны рэбрэндынг7

«А пятай раніцы спаць ужо немагчыма». Мінчук паскардзіўся ў Мінгарвыканкам на сабачы брэх

З-пад Пінска на Валынь сёння заляцеў паветраны зонд. Украіна лічыць гэта наўмыснай аперацыяй1

У Гаазе прызналі М'янму вінаватай у генацыдзе народа рахінджа1

«Блішчыць як Swarovski». Беларускі палююць на танныя бранзалеты з царкоўных крам3

Беларусь пераплочвае за транзіт калію праз Расію сотні мільёнаў даляраў23

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць