Грамадства88

«Адменім роўмінг, казалі яны. У выніку адмянілі інтэрнэт». Беларусы расказалі, што ў Расіі не працуе роўмінг ні А1, ні МТС

Меркавалася, што беларусы не змогуць карыстацца інтэрнэтам пры паездках у Расію першыя суткі. Аднак, як вынікае з каментарыяў, на практыцы ўсё выйшла як па чарнамырдзінскім заўсёды.

Фота ілюстрацыйнае. Крыніца: Dmitry Travnikov / Getty Images

Беларусы пацвярджаюць, што ў Расіі турыстам ці камандзіровачным цяпер даводзіцца жыць без інтэрнэту. Некаторым шанцуе, але гэта хутчэй выключэнне з правілаў. Адзін з карыстальнікаў аператара А1 дзеліцца сваім неадназначным досведам:

«У гэтыя выхадныя быў у Піцеры і пасля сутак запрацаваў інтэрнэт. А ў сябра — не, хоць у абодвух А1».

Іншыя абаненты таго ж аператара таксама былі вымушаныя абмяжоўвацца званкамі:

«На мінулым тыдні інтэрнэт А1 не працаваў, толькі званкі (была ў Піцеры)».

У абанента МТС сітуацыя таксама была складанай. 

«Была 5 дзён у Расіі, у аўторак вярнулася. Інтэрнэт там так і не з'явіўся, толькі званкі. У мяне МТС», — піша адна з чытачак.

Яе словы пацвярджаюць і іншыя карыстальнікі:

«МТС не працаваў 1,5 сутак».

«МТС не працуе нават праз суткі… Толькі з Піцера прыехаў».

Не лепшыя справы і ў абанентаў life:). Каментар аднаго з беларусаў лаканічны і адназначны:

«Лайф не працуе ў Расіі, праверана асабіста».

Праблема закранае ўсіх беларускіх аператараў без выключэння:

«Усе аператары не працуюць, нядаўна сама сутыкнулася з гэтай праблемай, на дзень прыехала ў Маскву па справах!»

Сутыкнуўшыся з такой ненадзейнасцю, беларусы пачалі шукаць альтэрнатыўныя рашэнні. Самае папулярнае — набыць расійскую SIM-карту. Сцвярджаюць, што зрабіць гэта не так ужо і складана: «Біяметрыю зрабіць, і купіў расійскую сімку — усё».

Іншы каментатар нават прапануе пакрокавую інструкцыю, як спрасціць працэс і пазбегнуць паходаў у Шматфункцыянальны цэнтр надання дзяржаўных і муніцыпальны паслуг (МФЦ):

«У банку «Сбербанк» можна зрабіць усё пад ключ) і не трэба ў МФЦ ездзіць і г.д. Я пазаўчора рабіў, у «Сбербанку» і СНIЛС («Страховой номер индивидуального лицевого счёта» — НН) далі, і біяметрыю, усё там, толькі потым паехаў сімку за 5 хвілін зрабіў».

Яшчэ адзін прапануе набыць на «Азоне» сім-карту расійскага МТС і актываваць праз асабісты кабінет беларускага аператара.

На фоне практычных парад чытачы не забываюць і пра іронію, прыгадваючы гучныя абяцанні пра адзіную прастору сувязі. Адзін з каментароў трапна падсумоўвае ўсю сітуацыю:

«Адменім роўмінг, казалі яны з кожнага праса. У выніку адмянілі інтэрнэт))))»

Нагадаем, што на пачатку кастрычніка 2025 года расійскія мабільныя аператары пачалі ўводзіць так званы перыяд астуджэння для ўсіх уладальнікаў замежных сім-картаў.

Меркавалася, што гэта будзе дзейнічаць толькі першыя 24 гадзіны пасля перасячэння мяжы Расіі. Абмежаванне павінна было дапамагчы ў барацьбе з дронамі, якія б'юць па расійскіх заводах і вайсковых базах.

Але да сярэдзіны кастрычніка высветлілася, што сістэма не працуе. Большасці аператараў проста не ўдаецца зняць блакіроўку.

Абмежаванні тычацца не толькі мабільнага інтэрнэту, але і СМС-паведамленняў.

Нямала людзей у каментарах у сацыяльных сетках проста засцерагаюць ад паездак у Расію: «Няма чаго беларусам наогул туды ездзіць цяпер».

Каментары8

  • Румын
    16.10.2025
    Вэлкам ту 3.14дарашка
  • )))
    16.10.2025
    Все просто. Белорусскими симками в роуминге украинские беспилотники тоже могут управляться)))))
  • даведка
    16.10.2025
    Абы у русских здесь работал Интернет, а то завалят Лукашенко своими тиктоками.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Трамп заявіў еўрапейскім лідарам і Зяленскаму, што Пуцін імкнецца да міру6

Самая вядомая бегемоціха свету Фіёна памерла, з'еўшы вязаную шапку1

Расія нанесла новы масіраваны ракетны ўдар, у Кіеве пашкоджаныя тры масты1

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»45

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць