фотаблог Юліі Дарашкевіч3333

Бальшавікі адсвяткавалі Першамай пад смех мінакоў

Дэманстранты імкнуліся прыцягнуць да сябе ўвагу з дапамогай лозунгаў: «Буржуяў — на нары, рабочых — на Канары». Былі і больш радыкальныя, кшталту «Нашы Мігі сядут в Ріге, нашы танкі снова в Праге!» ды «Пытаць і вешаць, вешаць і пытаць».

1 траўня беларускія бальшавікі адсвяткавалі міжнародны дзень салідарнасці з працоўнымі. Сабраўшыся, а 12-й ля Акадэміі Навук, яны прайшлі шэсцем на плошчу Бангалор, дзе адбыўся кароткі мітынг. Дэманстранты імкнуліся прыцягнуць да сябе ўвагу з дапамогай лозунгаў: «Буржуяў — на нары, рабочых — на Канары». Былі і больш радыкальныя, кшталту «Нашы Мігі сядут в Ріге, нашы танкі снова в Праге!» ды «Пытаць і вешаць, вешаць і пытаць».

Удзельнікаў першатравеньскага шэсця было няшмат — каля 60-ці чалавек. Нягледзячы на гэта, яно было выразна падзеленае па ўзроставай прыкмеце. Узначальвала калону старая гвардыя з партрэтамі Леніна і Сталіна, чырвонымі расцяжкамі ды гармонікам, а замыкала маладая бальшавісцкая генерацыя — прадстаўнікі нацыянал-бальшавіцкай партыі, філіяла расійскай.

Першыя па дарозе ў парк Дружбы народаў спявалі старыя савецкія песні, а нацболы разнастайнымі спосабамі імкнуліся прыцягнуць да сябе ўвагу мінакоў. Галоўным чынам з дапамогай лозунгаў: «Адабраць і падзяліць!», «Буржуяў — на нары, рабочых — на Канары», «Бог казаў дзяліцца!». Былі і больш радыкальныя, запазычаныя ў расійскіх «лімонаўцаў»: «Нашы Мігі сядут в Ріге, нашы танкі снова в Праге!», «Мы маньякі, мы дакажам» ды «Пытаць і вешаць, вешаць і пытаць».

Падчас мітынгу на плошчы Бангалор выступоўцы крытыкавалі кантрактную сістэму і безабароннасць працоўных перад наймальнікамі. Выступы нагадвалі найлепшыя ўзоры сацыялістычнага аратарскага майстэрства найгоршых часоў.

«Кантрактная сістэма — гэта дубіна для рабочага класа», «Мы заклікаем свабодалюбныя народы паўстаць супраць амерыканскага імперыялізму» — падобнымі тэзамі былі напоўненыя палымяныя звароты аратараў да тых некалькіх дзесяткаў чалавек, што здолелі дайсці да месца правядзення мітынгу.

Больш канкрэтным аказаўся выступ нацыянал-бальшавікоў. Яны выказалі сваю незадаволенасць палітыкай беларускіх уладаў, заявіўшы, што ў Беларусі «чалавек сёння — раб» і заклікалі да правядзення супольных акцый і дэманстрацый. «Толькі супольнымі шматлюднымі акцыямі мы зможам дамагчыся ўплыву ў Беларусі», — скончыў свой выступ прадстаўнік беларускіх прыхільнікаў Эдуарда Лімонава.

Напрыканцы прысутныя адзінагалосна прынялі рэзалюцыю аб салідарнасці усіх левых сіл Беларусі ў барацьбе з антычалавечным курсам і новым амерыканскім неафашысцкім рэжымам, асудзілі нежаданне мінскіх уладаў вярнуць у горад помнік Сталіну і раскрытыкавалі ідэю расійскіх уладаў правесці парад на Краснай плошчы супольна з прадстаўнікамі войскаў саюзнікаў у ІІ сусветнай вайне.

«Адправім глабальны капіталізм на звалку! За сацыялістычную Беларусь! Ура, таварышы!» — гучна крычалі нешматлікія бальшавікі ў парку Дружбы народаў, выклікаючы непрыхаваны смех ў мінакоў.

Каментары33

Цяпер чытаюць

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе22

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Усе навіны →
Усе навіны

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

Правялі лёсаванне чвэрцьфіналаў футбольнай Лігі нацый3

Трамп: Пуцін сказаў мне, што не пайшоў бы вайной на Украіну, калі б я тады быў прэзідэнтам18

Проста зняць лазню ў аграсядзібе больш не выйдзе. Для ўладальнікаў і гасцей запрацавалі новыя правілы6

больш чытаных навін
больш лайканых навін

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе22

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Галоўнае
Усе навіны →

Заўвага:

 

 

 

 

Закрыць Паведаміць