Свет161161

ЗША ўзгаднілі з Расіяй мірны план, вельмі нявыгадны для Украіны

Па інфармацыі дзвюх крыніц агенцтва Reuters, ЗША падрыхтавалі сакрэтны план па ўрэгуляванні канфлікту ва Украіне, у якім Украіне прапануецца ахвяраваць часткай тэрыторый, адмовіцца ад некаторых відаў узбраення і скараціць армію, каб дамовіцца з Расіяй. Вашынгтон нібыта даў зразумець прэзідэнту Украіны Уладзіміру Зяленскаму, што ён павінен прыняць гэты план.

Прэзідэнт ЗША Дональд Трамп. Фота: Win McNamee/Getty Images

Згодна з інфармацыяй выдання Financial Times, план уключае скарачэнне колькасці Узброеных сіл Украіны напалову, адмову ад пэўных відаў зброі і перадачу кантролю над Данбасам Расіі. Журналісты называюць гэтыя патрабаванні падобнымі да капітуляцыі, а сам Зяленскі, паводле наяўнай інфармацыі, імі не задаволены.

Украіна ўвогуле нібыта не ўдзельнічала ў распрацоўцы гэтага сакрэтнага плана і атрымала толькі «сігналы» пра амерыканскія прапановы, якія абмяркоўваліся з Масквой, паведаміў высокапастаўлены ўкраінскі чыноўнік.

Мяркуецца, што план можа быць зацверджаны ўсімі зацікаўленымі бакамі ўжо да канца лістапада ці нават на гэтым тыдні, адзначае прадстаўнік Белага дома, падкрэсліваючы, што адміністрацыя ЗША знаходзіцца на «парозе сур’ёзнага прарыву».

Як паведамляла 19 лістапада выданне Axios, адміністрацыя прэзідэнта ЗША Дональда Трампа тайна працуе над новым планам міру, які складаецца з 28 пунктаў і дзеліцца на чатыры асноўныя катэгорыі: мір, гарантыі бяспекі, бяспека ў Еўропе і будучыя адносіны ЗША з Расіяй і Украінай.

Распрацоўкай дакумента займаецца спецпасланнік Трампа Стыў Уіткаф у кантакце з прадстаўніком прэзідэнта Расіі па інвестыцыйна-эканамічным супрацоўніцтве з замежнымі краінамі Кірылам Дзмітрыевым. Апошні пацвердзіў інфармацыю і адзначыў высокія шанцы на поспех.

19 лістапада Трамп накіраваў у Кіеў дыпламатычную місію на чале з міністрам арміі ЗША Дэніэлам Дрыскалам для абмеркавання ўмоў на полі бою, патрэбаў ва ўзбраенні і аднаўлення мірных перамоў.

Каментары161

  • .
    19.11.2025
    [Рэд. выдалена]
  • Ботам
    19.11.2025
    На такіх навінах звычайна вылазіць расійскі бот філіп з метадычкай "трэба пагаджацца, а то Украіна прайграе".
  • Отсосут
    19.11.2025
    Даже если Зеленский согласится, (нет), Украина на этот план не пойдёт!

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Трамп заявіў еўрапейскім лідарам і Зяленскаму, што Пуцін імкнецца да міру6

Самая вядомая бегемоціха свету Фіёна памерла, з'еўшы вязаную шапку1

Расія нанесла новы масіраваны ракетны ўдар, у Кіеве пашкоджаныя тры масты1

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»45

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць