Свет33

У Албаніі распрацоўшчыкаў першага віртуальнага ШІ-міністра, створанага сачыць за карупцыяй, абвінавацілі ў карупцыі

У Албаніі стварылі штучны інтэлект для барацьбы з карупцыяй, а цяпер кіраўнікоў дзяржагенцтва, якое распрацавала віртуальнага міністра, саміх абвінавацілі ў карупцыі, паведамляе The New York Times. Інавацыйная ідылія скончылася гучным скандалам.

Фота: Vlasov Sulaj / Associated Press

Албанія, якая актыўна імкнецца ў Еўрасаюз, вырашыла перахітрыць карупцыю з дапамогай тэхналогій. Прэм'ер-міністр Эдзі Рама прэзентаваў свету Дзіелу — першага ў гісторыі лічбавага міністра, створанага штучным інтэлектам. Аватар у нацыянальным касцюме павінен быў зрабіць размеркаванне дзяржаўных кантрактаў празрыстым, бо ШІ «не мае асабістых інтарэсаў, сваякоў і ніколі не стамляецца».

Аднак інавацыйная ідылія скончылася гучным скандалам.

Спецслужбы затрымалі дырэктара і намесніка Нацыянальнага інфармацыйнага агенцтва — менавіта той структуры, якая «выгадавала» Дзіелу. Кіраўнікоў абвінавачваюць у маніпуляцыях з дзяржзакупамі і сувязях з крымінальнымі групамі.

Пакуль лічбавая міністарка прапаведавала сумленнасць з экранаў парламента, яе стваральнікі, паводле версіі следства, займаліся тым самым, з чым Дзіела павінна была змагацца.

Гэты кур'ёз паставіў урадавы эксперымент пад пагрозу: зараз эксперты гадаюць, ці не маглі карумпаваныя распрацоўшчыкі ад пачатку падкруціць алгарытмы Дзіелы, каб яна прапускала сумнеўныя дамовы.

Прэм'ер-міністр Эдзі Рама захоўвае аптымізм, заяўляючы, што сам факт выкрыцця распрацоўшчыкаў сведчыць пра поспех антыкарупцыйнай рэформы, нават калі яна пачынаецца з арыштаў тых, хто пісаў антыкарупцыйны код.

Каментары3

  • Акабчык не паляцеў самалёцік
    28.01.2026
    Размаітыя прыхільнікі цэнтральнага пляну (і ворагі асабістага) любяць спасылацца на супэркампутар ці на сучасны капыл штучны розум, які паводле іхае думкі бездакорна, на адрозьненьне ад недасканалым папярэдніх чалавечых спробаў, распіша той агульны плян.
    Не чапайма зараз калькуляцыйнага аргументы і недасяжнасьць расьсеянае паміж людзьмі веды.
    Але супэркампутар стварацьмуць перадузятыя людзі.
  • Во дзе сапраўдная карупцыя
    28.01.2026
    Эта вы ішчо дубайскія мільярды прэдседацеля саўхоза Гарадзец не бачылі
  • а я што казаў
    28.01.2026
    Аххахах, роўна тое, што я пісаў у каментары пад навінай аб стварэнні гэтага сэрвісу

Цяпер чытаюць

Крымскі мост зруйнаваны ўдарам украінскіх ракет

Усе навіны →
Усе навіны

Расійскі хакеіст, які амаль усю кар'еру гуляў у Беларусі, пайшоў заваёўваць Украіну і загінуў1

30‑гадовы блогер Максім Пушкін зрабіў другую перасадку валасоў. Колькі заплаціў?16

Зніклага расійскага Z-ваенкара Раманава маглі абвінаваціць у дзяржздрадзе5

Па справе абразы доктаркай жанчыны з інваліднасцю на яе працы праводзяць праверку6

Жанчына набыла цукеркі «Бутэлечкі», у якіх усярэдзіне не было лікёру. Чаму так?5

У Мінску пачалі будаваць новы касцёл8

На канцэрт Кадышавай у Мінску ў какошніках прыйшлі нават мужчыны92

Трамп лічыць, што Пуцін ва Украіне мог бы дзейнічаць і больш жорстка12

Сталі вядомыя падрабязнасці разбойнага нападу з пісталетам у Мінску1

больш чытаных навін
больш лайканых навін

Крымскі мост зруйнаваны ўдарам украінскіх ракет38

Крымскі мост зруйнаваны ўдарам украінскіх ракет

Галоўнае
Усе навіны →

Заўвага:

 

 

 

 

Закрыць Паведаміць