Грамадства55

Заснавальнік дабрачынных фондаў для дапамогі дзецям Лысянкоў дабегаўся — яго затрымаў ДФР

У людзей узнікалі пытанні яшчэ да ранейшага фонду, якім кіраваў Лысянкоў і чыіх валанцёраў можна было сустрэць каля ЦУМа. Але затрымалі яго пасля мутных гісторый, звязаных з яго цяперашнім фондам «Дапамога цяжкахворым дзецям», — некаторыя сем'і не атрымалі цалкам грошы, сабраныя для іх.

Вячаслаў Лысянкоў. Фота з сайта фонду

Некалькі гадоў таму «Наша Ніва» пісала пра маладога дырэктара дабрачыннага фонду Вячаслава Лысянкова. Тады ён узначальваў арганізацыю «Рух душы» — іх валанцёраў са скрынямі часта можна было пабачыць каля ЦУМа. Лісты з просьбай аб дапамозе фонд рассылаў і па райвыканкамах. Але да фонду ў некаторых узнікалі пытанні. Гісторыі дзяцей, на якіх збіралася дапамога, часам апісваліся агульнымі словамі без пазначэння канкрэтнага дыягназу, не было поўнай справаздачы па атрыманых і патрачаных сродках. А размова «Нашай Нівы» з Лысянковым скончылася тым, што ён стаў пагражаць міліцыяй за збор інфармацыі пра яго дзейнасць. «Рух душы» быў ліквідаваны ў 2023-м.

У 2024 годзе Лысянкоў стварыў дабрачынны фонд «Дапамога цяжкахворым дзецям». Але скончылася таксама падазрона — некаторыя сем'і не атрымалі цалкам грошы, сабраныя фондам на іх хворых дзяцей.

У выніку 28‑гадовага Лысянкова затрымалі.

Цяпер следчае ўпраўленне СК па Мінску расследуе справу крадзяжу шляхам злоўжывання службовымі паўнамоцтвамі, здзейсненага ў асабліва буйным памеры.

«Тысячы калектываў па ўсёй краіне атрымлівалі лісты з просьбай аказаць матэрыяльную дапамогу, у гандлёвых цэнтрах і ўстановах аховы здароўя расстаўляліся скрыні для ахвяраванняў. Варта адзначыць, што наяўныя грошы на рахунак так і не залічваліся, а іх лёс у цяперашні час устанаўліваецца следчымі», — паведамляе СК.

Дырэктар фонду, паводле следства, скажаў інфармацыю ад «падапечных» на сайце арганізацыі, каб абагаціцца самому.

«Нават калі фонд ужо аказаў дапамогу — грошы працягвалі паступаць у распараджэнне фігуранта».

Лысянкоў таксама быў заснавальнікам трох камерцыйных таварыстваў, зарэгістраваных на яго імя, а таксама кіраваў юрыдычнай асобай, створанай яго знаёмай.

«У большасці выпадкаў фінансы, што паступалі на рахунак фонду, не ішлі на ажыццяўленне дабрачыннай дапамогі, а траціліся ў поўным аб'ёме на гаспадарчыя патрэбы, куплю і абслугоўванне аўтамабіляў, арэнду кватэры, набыццё тэхнікі, асабістыя бытавыя патрэбы. Таксама рабіўся незаконны перавод грашовых сродкаў у наяўныя і іх вывад для далейшага крадзяжу».

У выніку Лысянковым зацікавілася упраўленне ДФР КДК па Мінскай вобласці і Мінску.

Следчыя ўстанавілі, што мужчына выкраў звыш 830 тысяч рублёў.

Цяпер яго абвінавачваюць па ч. 4 арт. 210 (крадзеж шляхам злоўжывання службовымі паўнамоцтвамі, здзейснены ў асабліва буйным памеры) Крымінальнага кодэкса. Па гэтым артыкуле пагражае пазбаўленне волі на тэрмін ад 5 да 12 гадоў са штрафам і з пазбаўленнем права займаць пэўныя пасады або займацца пэўнай дзейнасцю.

Каментары5

  • ;llk;k
    30.01.2026
    наглыя такія былі гэтыя валанцёры ля цума. ледзьве адбіўся.
  • бабруйчанін
    30.01.2026
    Тыповы прыхажанін зат рпц бэ філіял
  • Свершилось!
    30.01.2026
    Наконец-то! Ныне политзаключенная Катя Новикова несколько лет разоблачала этого мошенника. За Лысенковым стояли влиятельные люди - Кате и угрожали, выписывали штрафы, сажали на сутки…Надеюсь, Кате эта новость хоть немного поднимет настроение - всё было не зря. Надеюсь, удастся в колонию передать эту информацию

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Трамп заявіў еўрапейскім лідарам і Зяленскаму, што Пуцін імкнецца да міру6

Самая вядомая бегемоціха свету Фіёна памерла, з'еўшы вязаную шапку1

Расія нанесла новы масіраваны ракетны ўдар, у Кіеве пашкоджаныя тры масты1

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»45

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць