Грамадства11

Пад Мінскам на месцы былога савецкага піянерлагера з’явіцца спа-гатэль

Калісьці на беразе Іслачы, за 25 кіламетраў ад Мінска, размяшчаўся дзіцячы лагер «Арляня». Неўзабаве пасля распаду Саюза дзіцячая ўстанова закрылася, а яе тэрыторыя перайшла да новага ўласніка. За апошнія дзесяцігоддзі на ўчастку з’явілася некалькі пабудоў, у тым і ліку жылыя катэджы (як высветлілася, не зусім законна). Цяпер былы лагер чакае глабальная рэканструкцыя — тут хочуць пабудаваць новы гатэль з сучасным тэрмальным комплексам, піша Realt.by.

Праектаваны ўчастак знаходзіцца ў вёсцы Звінячы Гаранскага сельсавета. Гэтыя мясціны знаёмыя многім мінчукам: побач — рака Іслач і рэабілітацыйны цэнтр «Аксакаўшчына».

У савецкія гады на гэтым пляцы размяшчаўся дзіцячы лагер «Арляня», а ў 2000‑х тэрыторыя аздараўленчай установы перайшла ва ўласнасць ГД «Ждановічы». Уладальнікі найбуйнейшай гандлёвай пляцоўкі сталіцы набылі каля 13 гектараў зямлі для «абслугоўвання базы адпачынку».

Турыстычны аб’ект у Звінячах сапраўды з’явіўся. Тут запрацаваў комплекс з лазняй, рыбалкай і іншымі забавамі. Праўда, частку тэрыторыі рэкрэацыйнай зоны ўласнікі вырашылі выкарыстаць пад будаўніцтва жылых катэджаў, што аказалася незаконным.

У справу ўмяшалася пракуратура, і пасля шэрагу судоў спрэчныя землі зноў адышлі да Мінскага раёна. У 2022 годзе тэрыторыя з катэджамі ды іншымі будынкамі выстаўлялася на аўкцыён. А зараз стала вядома, што пабудовы хочуць рэканструяваць пад рэкрэацыйны аб’ект (базу адпачынку).

Заказчыкам праекта выступае кампанія «Карпарацыя Волма Бел», якая займаецца вытворчасцю будаўнічых матэрыялаў. Архітэктурную канцэпцыю комплексу распрацавала студыя «Арх-Нуво». Распрацоўшчыкі прапануюць стварыць на беразе Іслачы камфортную і максімальна інтэграваную ва ўнікальны прыродны ландшафт прастору для аздараўлення і адпачынку.

Адзначаецца, што новая канцэпцыя прадугледжвае не толькі рэканструкцыю наяўных будынкаў са зменай іх функцыянальнага прызначэння (гаворка пра тыя самыя катэджы), але і будаўніцтва новага гатэля з сучасным тэрмальным комплексам.

Грамадскае абмеркаванне праекта будзе праходзіць з 16 лютага да 2 сакавіка. Азнаёміцца з ім у электронным выглядзе можна на сайце Мінскага райвыканкама, а ў друкаваным — у Гаранскім сельвыканкаме. Таксама для ўсіх ахвотных будзе арганізаваная прэзентацыя, якая пройдзе ў будынку дзіцячага садка ў пасёлку Траскоўшчына 25 лютага а 17.00. Пасля заканчэння абмеркавання ўсе матэрыялы разгледзіць архітэктурна-горадабудаўнічая рада.

Каментары1

  • Ну
    13.02.2026
    "Волма Бел"? Усё зразумела, маскавіты.. К чаму гэты цырк з "грамадскімі абмеркаваннямі"? Напэўна, каб выцягнуць з гэтых "інвестараў" крыху больш грошаў.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Трамп заявіў еўрапейскім лідарам і Зяленскаму, што Пуцін імкнецца да міру6

Самая вядомая бегемоціха свету Фіёна памерла, з'еўшы вязаную шапку1

Расія нанесла новы масіраваны ракетны ўдар, у Кіеве пашкоджаныя тры масты1

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»45

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць