Свет2828

«Трэба сесці і размаўляць». Коўл заявіў пра неабходнасць дыялогу паміж Беларуссю і Літвой на ўзроўні міністраў

У інтэрв’ю LRT пасланнік Дональда Трампа па Беларусі сказаў, што беларускія калійныя ўгнаенні маглі б быць вельмі карыснымі для ЗША і павінны транспартавацца праз Літву.

Фота: president.gov.by

Коўл таксама выказаў надзею, што Літва пагодзіцца правесці двухбаковую сустрэчу з Беларуссю на ўзроўні намеснікаў міністраў. Паводле яго слоў, Лукашэнка выпусціў літоўскія фуры з Беларусі на яго просьбу, а праблему кантрабандных паветраных шароў назваў кіраванай: «час ад часу яшчэ ляцяць адзін-два шары, але ўжо не так, як раней».

Коўл адзначыў, што галоўная матывацыя ўвагі да Беларусі — гуманітарная, у першую чаргу вызваленне зняволеных. Аднак у размове ён закрануў і эканамічныя інтарэсы ЗША:

«Калійныя ўгнаенні з Беларусі павінны ісці праз Літву, і так яны змогуць выйсці на еўрапейскі рынак — аж да Злучаных Штатаў».

Ён таксама заявіў, што абмяркоўваў гэтае пытанне з міністрам сельскай гаспадаркі ЗША Брук Ролінз, якая адзначыла, што беларускія ўгнаенні былі б вельмі карыснымі для краіны.

«Прэзідэнт Трамп і я не верым у папярэднія ўмовы», — сказаў Коўл, дадаўшы, што чакае такога ж падыходу і ад Літвы.

«Я спадзяюся, што Літва пагодзіцца на двухбаковы дыялог з Беларуссю на ўзроўні намеснікаў міністраў замежных спраў. Трэба спыніць тое, што замінае жыццю па абодва бакі», — адзначыў ён.

Коўл сказаў пра неабходнасць дыялогу: «Трэба сесці і размаўляць. Калі не атрымліваецца — устаць і пайсці. Але спачатку трэба паспрабаваць».

«Я ўжо год размаўляю з ім без папярэдніх умоў — і паспяхова. Глядзіце, свет поўны добрых і дрэнных людзей. Але чым больш яны размаўляюць, тым лепш. Прэзідэнт Трамп ездзіў у Паўночную Карэю. Ён нават двойчы размаўляў з мэрам Нью-Ёрка, які з’яўляецца поўнай супрацьлегласцю Трампа. Але яны сустрэліся. І так нешта атрымліваецца зрабіць — праз камунікацыю. Нічога не зробіш, калі выстаўляць папярэднія ўмовы, якія павінны адбыцца. Тады яны, можа, будуць размаўляць, а можа і не. Так нічога не дасягнеш», — сказаў Коўл.

Ён таксама дадаў, што візіт Лукашэнкі ў ЗША абмяркоўваецца.

Каментары28

  • Ха
    27.03.2026
    Тут табе не там. Свае трампаўскія справы можаш рабіць з Лукой, а з Літвой не атрымаецца. Беспрынцыпныя гандляры Трамп і яго адвакат Коўл.
  • Filipp
    27.03.2026
    Калі праз гэта, спыняцца рэпрэсій, то хутчэй бы!
  • Ботам
    27.03.2026
    Тут павінны вылезці лукаботы і па розуму свайго гаспадара заявіць, што "раз гаспадар сказаў, значыць Літва адкажа Так і зробіць", але ні Коўл, ні Трамп ні Літве ні ЕС ніхто і адказ ужо ёсць-санкцыі з рэжыму Лукашэнкі знятыя не будуць і калійка праз Клайпеду не пойдзе. Дзякуй за вызваленне палітвязняў, здымаеце санкцыі, справа ваша, але сярод суседзяў Беларусі такіх дурняў няма і не будзе.

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць