Усяго патроху66

Арнітолагі развянчалі стары як свет міф пра зязюль

Яшчэ з антычных часоў лічылася, што зязюлі пераносяць свае яйкі ў дзюбе і так падкідаюць іх у гнёзды іншых птушак. Аднак новае даследаванне паказала, што гэта не так. Навукоўцы змаглі ўпершыню непасрэдна зафіксаваць на відэа, як гэтыя птушкі сапраўды адкладаюць яйкі, піша выданне Phys.org.

Фота: vecteezy.com

Даследаванне, вынікі якога былі апублікаваныя ў часопісе Animal Behaviour, праводзіла міжнародная група арнітолагаў пад кіраўніцтвам Роберта Томсана ў Кейптаўнскага ўніверсітэта (ПАР) і Томаша Грыма з Астраўскага ўніверсітэта (Чэхія). Яны назіралі за паводзінамі зязюль у Фінляндыі на працягу некалькіх сезонаў і зафіксавалі больш за 60 выпадкаў адкладання імі яек.

Асаблівасць у тым, што зязюлі сапраўды падкідаюць яйкі ў гнёзды іншых птушак, напрыклад тых, якія жывуць у дуплах дрэў. Але пры гэтым яны выкарыстоўваюць дзве розныя стратэгіі, сярод якіх няма прыносу яек на месца ў дзюбе.

У адных выпадках самка адкладае яйка проста каля ўваходу ў гняздо, пасля «закідаючы» яго ўсярэдзіну. У іншых — залазіць у дупло і адкладае яйка непасрэдна ўнутры.

Кожны спосаб мае свае плюсы і мінусы. Калі адкладаць звонку — меншая рызыка апынуцца ў пастцы, але можна прамахнуцца. Калі залазіць усярэдзіну — яйка трапляе дакладна куды яму трэба, але для птушкі ёсць небяспека захраснуць у дупле або пашкодзіць гняздо.

Галоўная выснова даследавання — зязюлі не пераносяць яйкі ў дзюбе, а адкладаюць іх адразу ў гняздо птушкі-гаспадыні. Ранейшы міф жыў тысячагоддзямі, бо назіраць за паводзінамі зязюль было вельмі складана.

Навукоўцы адзначаюць, што іх адкрыццё дапамагае лепш зразумець, як розныя віды прыстасоўваюцца адзін да аднаго ў прыродзе, і сведчыць, што нават у нібыта добра вывучаных жывёл могуць адкрывацца нечаканыя асаблівасці паводзін.

Каментары6

  • Ваўкалак
    25.04.2026
    Цікава, але я першы раз чую, каб зязюлі прыносілі яйкі ў дзюбе. З дзяцінства ведаў, што яны адкладвалі яйкі альбо непасрэдна ў гняздо, альбо побач
  • Брытанскія вучоныя
    26.04.2026
    Самі прыдумалі - самі развянчалі
  • Не мешайте пилить гранты
    26.04.2026
    Ваўкалак , Чуваки 2 года, или сколько там, бухали в Финляндии, гуляли по лесу, цепляли финок.

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць