Свет1010

Для палёту Роберта Фіца да Пуціна на 9 мая руку дапамогі працягнула Чэхія

Сталі вядомыя падрабязнасці будучай паездкі прэм’ер-міністра Славакіі Роберта Фіца ў Маскву на 9 мая. Ягоны пералёт можа заняць ад 4 да 8 гадзін у залежнасці ад абранага маршруту. Адной з ключавых краін транзіту стане Чэхія, якая ўжо дала дазвол на пралёт самалёта, паведамляе RTVI.

Прэм'ер-міністр Славакіі Роберт Фіца з Уладзімірам Пуціным у Маскве 22 снежня 2024 года. Фота: Gavriil Grigorov, Sputnik, Kremlin Pool Photo via AP

Паведамляецца, што найбольш хуткім варыянтам лічыцца паўночны маршрут. Ён праходзіць праз паветраную прастору Чэхіі і Германіі, пасля чаго самалёт павінен выйсці да Балтыйскага мора, далей праляцець у бок Фінскага заліва і там увайсці ў паветраную прастору Расіі. Пры неабходнасці самалёт Фіца можа зрабіць пасадку для дазапраўкі ў Калінінградзе.

Паўднёвы маршрут, праз тэрыторыі балканскіх краін і Грузіі, займаў бы ўдвая больш часу.

Раней паведамлялася, што Латвія, Літва, Польшча і Эстонія не далі дазвол на пралёт. Таму разглядаліся іншыя варыянты маршруту.

Таксама абмяркоўвалася магчымасць паездкі ў Маскву па зямлі — на аўтамабілі. Аднак такая дарога магла заняць ад 18 да 21 гадзіны ў залежнасці ад надвор’я, сітуацыі на дарогах і часу праходжання межаў.

Сам Роберт Фіца раней заяўляў, што мае намер 9 мая ўскласці кветкі да Магілы невядомага салдата каля Крамлёўскай сцяны і сустрэцца з Уладзімірам Пуціным. Паводле яго слоў, гэта нібыта робіцца дзеля ўшанавання чырвонаармейцаў, якія ўдзельнічалі ў вызваленні Славакіі.

Пры гэтым ён адзначаў, што не плануе прысутнічаць на парадзе на Краснай плошчы.

Таксама чакаецца, што ў Маскву 9 мая могуць прыехаць і іншыя замежныя кіраўнікі. У Крамлі заявілі, што спіс гасцей будзе агучаны пазней.

Каментары10

  • Indrid Cold
    03.05.2026
    Заўсёды смешна назіраць за халуем які зробіць усё каб падлізаць свайму уладару. У лукашыстаў таксама такіх шмат - альбо рыбны корм будуць есці, альбо як Азаронак - губляць чалавечы твар і пераўтварацца ў сабаку. Аппорт, Грышан
  • политзек
    03.05.2026
    а "чествовать красноармейцев" прямо в Словакии не получается уже? нет?
    это не тех ли, которые через 20 лет на танках приехали людей давить?
  • бабруйчанін
    03.05.2026
    ))) Ну як Вам чэхі славакі мадзьяры балгары ...патэнцыйныя " камрады" пасля...Беларусі у Эўразвязе))))

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць