Літва не адкрые паветраную прастору для палёту Фіца ў Маскву на Дзень Перамогі
Вільня афіцыйна пацвердзіла, што не адкрые паветраную прастору для самалёта Роберта Фіца. Славацкі прэм’ер збіраецца ляцець у Маскву на святкаванне Дня Перамогі, аднак Літва лічыць такі візіт непрымальным з пункту гледжання маралі і бяспекі.

Галоўны дарадца прэзідэнта Літвы па нацыянальнай бяспецы Дэйвідас Матулёніс у эфіры Žinių radijas заявіў, што гэта паслядоўная пазіцыя краіны. Літва катэгарычна не ўхваляе спробы асобных палітыкаў ЕС «паляпшаць адносіны» з Масквой у разгар ваеннай агрэсіі.
Для Роберта Фіца гэта ўжо не першая падобная спроба: год таму ён таксама наведваў расійскую сталіцу на 9 мая, ігнаруючы заклікі еўрапейскіх калег да байкоту. Сёлета сітуацыя паўтараецца.
«Мы катэгарычна не ўхваляем імкненне дзяржаў паляпшаць адносіны з дзяржавай-агрэсарам. Таму гэта нашая вельмі выразная маральная ўстаноўка, якой мы прытрымліваемся», — падкрэсліў Матулёніс.
-
У Расіі заявілі, што ўдзел Еўропы ў перамовах па Украіне з імі не ўзгадняўся. Хоць Уіткаф і Кушнер сцвярджалі адваротнае
-
Ле Пен: Францыя пры мне не будзе аказваць Украіне новай фінансавай дапамогі, але папярэднія абавязацельствы выканае
-
Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары