Вайна1313

Што Расія бамбіла балістычным «Арэшнікам» у Белай Царкве?

У ноч на 24 мая расійскія войскі нанеслі масіраваны ўдар па Украіне, прымяніўшы балістычную ракету «Арэшнік». На гэты раз пад удар гіпергукавой зброі патрапіў горад Белая Царква, размешчаны за 70 кіламетраў на поўдзень ад Кіева.

Гаражы, што гарэлі ў Белай Царкве

Паводле звестак украінскага камандавання ВПС, ракета была запушчана з палігона Капусцін Яр у Астраханскай вобласці.

Расія заявіла, што ўсе цэлі былі знишчаныя. Што ж РФ атакавала ў Белай Царкве?

Украінскія ратавальнікі а 7‑й ранку паведамілі, што ў Белай Царкве гарэлі тры гаражы.

Пракуратура Кіеўскай вобласці напісала, што ў Белацаркоўскім раёне пашкоджаны гаражны кааператыў і будынкі цывільнага прадпрыемства.

Расійскія каналы сцвярджаюць, што ўдар быў нанесены па аэрадроме. Доказаў гэтаму не прыводзіцца, і пацверджанняў пакуль няма. 

Гэта ўжо трэці выпадак прымянення Расіяй ракетнага комплексу «Арэшнік». Раней РФ ударыла ў лістападзе 2024 года па заводзе «Южмаш», у студзені 2026 года — па Львове.

Прынцып дзеяння «Арэшніка», створанага на базе праекта РС-26 «Рубеж», заключаецца ў падзеле галаўной часткі на 6 асобных блокаў, кожны з якіх выпускае яшчэ па 6 суббоепрыпасаў.

У выніку на цэль адначасова абрушваюцца 36 ударных элементаў.

Паколькі ракета выкарыстоўвалася ў неядзерным варыянце, разбурэнні выкліканы велізарнай кінетычнай сілай падзення пустых металічных балванак на хуткасці звыш 12 000 км/г, якую практычна немагчыма перахапіць сучаснымі сістэмамі СПА.

Мінабароны РФ назвала гэтую атаку «ўдарам адплаты». Прэзідэнт Украіны Уладзімір Зяленскі жорстка адрэагаваў на здарэнне, назваўшы расійскае кіраўніцтва неадэкватным за выкарыстанне стратэгічнага ўзбраення супраць школ і аб'ектаў водазабеспячэння, і падкрэсліў, што такія дзеянні Крамля не павінны застацца без наступстваў з боку міжнароднай супольнасці.

Начная атака, у якой акрамя «Арэшніка» былі задзейнічаны яшчэ 89 ракет іншых тыпаў і 600 дронаў, забрала жыцці двух чалавек у Кіеве, больш за 50 жыхароў сталіцы атрымалі раненні.

Каментары13

  • Indrid Cold
    24.05.2026
    Малайцы, патрацілі ракету за пару мілліенаў баксаў, каб нарабіць шкоды на некалькі тысячаў ;)
  • Андрусь
    24.05.2026
    Рэд., прадпрыемства не можы быць "грамадзянскім". Грамадзянскі - гэта звязаны з грамадзянамі - грамадзянская супольнасць, грамадзянская вайна. Антонімам слова "ваенны" ў беларускай мове з'яўляецца слова "цывільны". Не варта "бастыёну беларушчыны" слепа калькаваць канцылярызмы ў расійскай мовы.
  • Крынж
    24.05.2026
    З гэтага "арэшніка" толькі па гаражах ды бяздомных сабаках пуляць.

Цяпер чытаюць

На канцэрт Кадышавай у Мінску ў какошніках прыйшлі нават мужчыны80

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

Аргазм ёсць, а спермы няма. Што такое рэтраградная эякуляцыя і чым яна небяспечная11

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны80

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць