Меркаванні5959

Пальчыс заклікаў не перапісваць гісторыю 2020 года: Не шукайце лжывых версій мінулага

Былы палітвязень, блогер Эдуард Пальчыс лічыць 2020 год легендарным, гістарычным і гераічным перыядам для беларускай нацыі.

Фота: lookby.media

Даўно хацеў напісаць гэты тэкст, але сёння якраз найбольш адпаведная дата.

Калі цябе затрымліваюць у 2020-м, а выкідваюць у 2026-м, адно з самых шакавальных адкрыццяў для ўсіх нармальных палітвязняў — гэта ментальныя змены людзей.

За гэтыя 5 месяцаў я начытаўся і наслухаўся часам мноства адкрытага трызнення: што ў 20‑м пратэсты арганізавала Расія, што кагосьці хтосьці ледзь не гвалтам выводзіў, што кагосьці спецыяльна выкарыстоўвалі і г. д.

Яшчэ ў турме я выразна бачыў, як людзі заднім чыслом перапісваюць мінулае, каб знайсці сваё зручнае апраўданне таго, што адбываецца.

Тыя, хто баяўся ў банальную счэпку стаць у жніўні, праз пару месяцаў у турэмнай камеры ўжо разважалі пра «трэба было з імі больш жорстка».

Калі пратэсты душылі звышжорсткасцю, а потым пачалася міграцыя, вайна і ўнутраныя ўмовы ў РБ пачалі месцамі нагадваць КНДР, натуральна, у многіх з'явілася глыбокае пачуццё расчаравання. І тут жа павылазілі разумнікі з трызненнем пра 2020-ы. А хтосьці пачаў шукаць вінаватага, ці ствараць складаныя схемы ўнутраных апраўданняў, ці пераконваць сябе ў тым, чаго і блізка не было.

Дык вось — да сярэдзіны ліпеня 2020‑га я быў за поўны ігнор выбараў, хоць 99% у гэты момант думалі абсалютна інакш. Але потым жыццё закруціла так, што самому прыйшлося прысесці як арганізатару. І я помню, як у пачатку лета 20‑га мне пісалі, што я дэбіл і нічога не разумею, а мы «зараз пойдзем на выбары (прагаласуем, паназіраем) і па законе пераможам».

Гэта была наіўнасць, але наіўнасць шчырая. Гэта наіўнасць была галоўным палівам для рухавіка тых падзей.

Таму як бы каго ні корчыла зараз — 2020‑ы год з'яўляецца легендарным, гістарычным і гераічным перыядам для беларускай нацыі. Па колькасці і ступені далучанасці насельніцтва з ім не параўняецца ні 1991-ы, ні 1918-ы. Гэта і самы чысты ў плане арганізацыі рух, дзе не было ні капейкі якога-небудзь заходняга фінансавання. І ўсё гэта праўда, таму што людзі самі шчыра рабілі тое, што лічылі правільным.

Калі многія з нас цяпер жывуць у свабодных краінах, давайце выдушваць з сябе савок і спыняць падсвядома шукаць ілжывыя версіі мінулага, якія па сутнасці проста з'яўляюцца спробай скінуць адказнасць за свае дзеянні і выбар. Так, усё цяпер няпроста, але ў гісторыі і ў Бога планы часта адрозніваюцца ад нашых. І хто ведае, што нас яшчэ чакае наперадзе.

Каментары59

  • Антось
    09.08.2026
    2020 год быў проста падрыхтоўкай і зачысткай ваеннага плацдарму для нападу на Ўкраіну. Базавыя рэчы трэба ўжо было б зразумець.
  • Ігнор
    09.08.2026
    Нажаль такіх разумных як Пальчыс было вельмі няшмат. Але і тых хто не да канца разумеў і вырашыў праверыць аказалася крыху недастатковая колькасць. Ці дастатковая колькасць цяпер?
  • ПалПалыч
    09.08.2026
    «Какой-то ребенок, трус, рассылал через телеграм-канал — давайте по воскресеньям выходить».

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць