Свет44

Трамп хоча, каб Пуцін дапамог яму разблакаваць Армузскі праліў

ЗША хочуць ізаляваць іранскі рэжым і такім чынам прымусіць яго да ядзернага пагаднення і разблакавання Армузскага праліва.

Фота: Andrew Harnik/Getty Images 

Кіраўнік ЦРУ Джон Рэткліф здзейсніў нечаканы візіт у Маскву, каб, у тым ліку, заклікаць Крэмль «скараціць ваенную і эканамічную падтрымку Ірана». Ён «перадаў пажаданне, каб Масква спыніла перадачу Ірану зброі і абарончых тэхналогій», піша Bild са спасылкай на Politico.

ЗША хочуць ізаляваць іранскі рэжым і такім чынам прымусіць яго да ядзернага пагаднення і разблакавання Армузскага праліва.

Аналітык амерыканскага цэнтра Council on Foreign Relations Ліяна Фікс тлумачыць: «Расія прадастаўляла Ірану спадарожнікавыя здымкі, якія дапамагалі Ірану пры навядзенні на амерыканскія цэлі». Да гэтага дадаецца «экасістэма ценявых флатоў»: Расія і Іран супрацоўнічаюць, каб абыходзіць міжнародныя нафтавыя санкцыі.

Трамп мог накіраваць кіраўніка ЦРУ ў Маскву з цалкам канкрэтнай мэтай, лічыць Фікс: «Патрабаванне да расійскага боку прымусіць Іран адкрыць Армузскі праліў».

Аднак відавочна, што Пуцін не стане проста так аказваць ціск на сваіх саюзнікаў у Тэгеране: «Расія, вядома, запатрабуе нешта наўзамен. Альбо ЗША, наадварот, будуць пагражаць Расіі санкцыямі».

Аднак сапраўдная праблема для ЗША — не Расія, а Кітай, кажа эксперт. Пекін купляе значную частку іранскай нафты і зусім не зацікаўлены ў падтрымцы ЗША ў іх кампаніі супраць аятолаў.

Што Трамп можа з гэтым зрабіць?

«У амерыканскай адміністрацыі — вялікая нерашучасць наконт таго, каб ісці на эскалацыю з Кітаем. Незалежна ад тэмы — Іран, Украіна, мытныя пошліны… У гэтых пытаннях ЗША ўжо двойчы саступалі», — нагадала Фікс.

Ліяна Фікс не лічыць, што Трамп накіраваў кіраўніка сваёй разведкі ў Маскву выключна праз асцярогі наконт расійскай эскалацыі ў Еўропе. Яна сказала: «Я думаю, што тэма Ірана была важнай часткай [перамоваў падчас гэтага візіту] і што гаворка не магла ісці толькі пра расійскую гібрыдную вайну супраць Еўропы». Еўрапейцаў гэта, вядома, непакоіць, аднак урад Трампа лічыць гэта «менш значным» пытаннем.

Каментары4

  • 333
    27.08.2026
    [Рэд. выдалена]
  • имя
    27.08.2026
    333, ахаха, враг не в Кремле? мы уже это слышали. Не прокатит , лови 15 руб за комент.
  • А я вам січас пакажу
    27.08.2026
    Гэта ж ужо Амерыканская тэрыторыя? Ці як?
    Пераблытаныя ўсе карты

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць