Вайна1111

Былы беларускі палітвязень даў сваё тлумачэнне таму, што пайшоў ваяваць за Пуціна

Аляксей Коршун, які падпісаў кантракт з расійскім войскам, цяпер рамантуе на фронце аўто ды іншую тэхніку.

Аляксей Коршун. Фота: Vk.com

Аляксей Коршун — былы беларускі палітвязень, які пасля вызвалення з калоніі з'ехаў у Расію. Зрэшты, ён жыў там і да арышту. У Расіі Коршун стварыў новую сям’ю. Яго абранніца — валгаградская манікюршчыца Анжэла.

Чаму ж ён запісаўся на фронт? Аляксей даваў сябрам аргумент, што нібыта стаміўся жыць пад рэгулярнымі начнымі абстрэламі, якія вядзе Украіна.

Дакладна невядома, дзе жывуць Коршуны, але калі ў самім Валгаградзе, то яго словы — няпраўда. Па самім горадзе ўкраінцы не білі, трапляла толькі па нафтаперапрацоўчым заводзе.

Дык вось, паводле словаў Аляксея, такое жыццё яму надакучыла, таму ён, маўляў, і падпісаў кантракт з расійскім войскам.

На вайне Коршун рамантуе аўтамабілі і іншую тэхніку. 

Каментар напісаў яшчэ да выбараў

Каментар, за які Аляксея Коршуна асудзілі ў Беларусі, ён пакінуў у маі 2020 года, падчас першай хвалі каранавіруса. Мужчына абвінаваціў беларускія ўлады ў падмане са статыстыкай захворванняў. Затрымалі яго ў сакавіку 2021 года. Суд прысудзіў яму два з паловай гады калоніі, а праваабаронцы прызналі палітвязнем.

17 верасня 2021 года Коршуну змякчылі пакаранне: калонію замянілі на хімію. Ён працаваў грузчыкам у сельпо, але неўзабаве збег. Для гэтага Коршун пакінуў тэлефон у аўтобусе, каб накіраваць міліцыю па памылковым следзе, сам жа дабраўся да Віцебска, а адтуль без дакументаў выехаў у Расію.

Няўдалая эвакуацыя

Спачатку Аляксей Коршун жыў у Смаленску, пасля прадстаўнікі BySol дапамаглі яму перабрацца ў Белгарад. Адтуль яго збіраліся вывезці ва Украіну, але 24 лютага 2022 года пачалося поўнамаштабнае расійскае ўварванне.

Разглядаўся і выезд у Грузію, аднак гэты план сарваўся. Тады беларус пераехаў у Варонеж і ўладкаваўся ў аўтасэрвіс.

Пазней у размовах з сябрамі Аляксей Коршун згадваў тую няўдалую эвакуацыю з крыўдай — маўляў, такіх жа ўцекачоў вывозілі з Расіі ў Польшчу і Літву, а яго працягвалі перамяшчаць паміж расійскімі гарадамі. 

У чэрвені 2022 года таксі, у якім ехаў Коршун, спынілі супрацоўнікі ДАІ. Дакументаў у беларуса не было. Пасля праверкі адбіткаў пальцаў высветлілася, што на радзіме ён знаходзіцца ў вышуку.

Аляксей Коршун папрасіў у Расіі часовы прытулак. Пакуль разглядаліся дакументы, ён знаходзіўся ў цэнтры ўтрымання замежнікаў. Расійскія ўлады адмовілі яму ў прытулку і не сталі чакаць разгляду скаргі. 26 кастрычніка 2022 года мужчыну пасадзілі на самалёт да Мінска, дзе проста ў аэрапорце яго чакалі сілавікі.

Беларускі суд замяніў рэшту хіміі на калонію. Аляксей Коршун адбываў пакаранне ў шклоўскай калоніі №17 і выйшаў на волю 20 жніўня 2023 года. Пасля гэтага ён другі раз выехаў у Расію. Там спачатку адкрыў аўтасэрвіс, пасля закінуў гэтую справу, купіў закінуты ўчастак, пачаў будаваць дом і весці дачны блог. Але і гэта яму надакучыла. 

Былая нявеста з дзіцём цяпер у Маскве

Пасля першых уцёкаў Коршуна сілавікі прыйшлі да ягонай тагачаснай нявесты і забралі яе тэлефон на праверку. У 2022 годзе паведамлялася, што праваабаронцы дапамаглі жанчыне разам з дзіцём пераехаць у Літву.

Як стала вядома «Нашай Ніве», пазней яна выйшла замуж за іншага мужчыну і цяпер жыве з сям’ёй у Маскве. Блізкіх адносін з Коршунам яна не падтрымлівае.

Каментары11

  • Францішак
    11.10.2026
    "Бедненькі", стаміўся жыць пад абстрэламі. А тое што ўкраінцы і беларусы Ўкраіны жывуць пад расейскімі абстрэламі ўжо пяты год без перапынку гэтая свінасабака чамусьці не згадвае. Ну так, трэба ж выпраўдаць неяк сваю дурную галаву і тое што пайшоў ваяваць як акупант за грошы. Ганьба!

    [Зрэдагавана]
  • MIKOLA RAMANAU
    11.10.2026
    [Рэд. выдалена]
  • fdjn
    12.10.2026
    а вот если бы ему дали визу а ЕС и подарили 10 тыс евро то его бы удалось оторвать от рассейского империализма.

    [Зрэдагавана]

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць