Вайна11

Чангарскі мост разбураны — важны лагістычны маршрут расійскіх войскаў атрымаў новыя пашкоджанні

Чангарскі аўтамабільны мост, які злучае анексаваны Крым з акупаванай часткай Херсонскай вобласці праз Чангарскі праліў, атрымаў новыя маштабныя пашкоджанні. Пра гэта сведчаць спадарожнікавыя здымкі, а таксама каментары тых, каму давялося ехаць па пантоннай пераправе, піша Astra. 

На вераснёўскім відэа відаць, што мост амаль разбураны, а аўтар роліка едзе за іншымі аўтамабілямі па часовай пераправе.

У кастрычніку з'явіліся звесткі, што як мінімум адзін пралёт Чангарскага моста абрынуўся — гэта відаць нават на спадарожнікавых здымках. 

Dnipro Osint паведаміў, што мост як ключавы сухапутны пераход неаднаразова атакавалі Сілы абароны Украіны.

«На 26 верасня на мосце і пераправе побач фіксаваліся прынамсі тры вялікія прабоіны ў палатне моста і пераправы. Гэта істотна ўскладніла рух і прывяло да затору лагістычнага транспарту, у тым ліку вайсковага. На здымку за 30 верасня ўжо відаць, што пралёт моста абрынуўся», — гаворыцца ў паведамленні.

У чатах, дзе абмяркоўваюць дарогу ў анексаваны Крым, кіроўцы сцвярджаюць, што абрынуліся два пралёты моста, таму транспарт накіроўвалі па пераправе з рэверсіўным рухам. Яшчэ адзін кіроўца паведаміў, што ў адзін з дзён усіх накіроўвалі ў аб'езд па старой дарозе.

Акрамя праблем з Чангарскім мостам, ахвотныя трапіць у анексаваны Крым або выехаць з паўвострава паведамлялі, што па дарозе амаль няма працуючых заправак, а на тых, што працуюць, дызельнае паліва каштуе 130—140 рублёў, бензін — 160—200 рублёў.

Акрамя таго, траса знаходзіцца пад пастаяннымі атакамі дронаў, якія цэляць па грузавых аўтамабілях. У паведамленні ад 4 кастрычніка адзін з кіроўцаў расказаў, што яму разам з пасажырамі давялося выскокваць з машыны, калі мабільныя агнявыя групы збівалі БПЛА. Паводле яго, ён сам бачыў, як «падбілі дзве фуры». Яшчэ адзін кіроўца паведаміў, што бачыў шэсць згарэлых фур, і папярэдзіў, што «сітуацыя пастаянна мяняецца».

У чэрвені Генштаб Узброеных сіл Украіны паведамляў пра паражэнне трох чыгуначных мастоў на акупаваных тэрыторыях. Згадваліся чыгуначны мост праз Паўночнакрымскі канал у раёне Раздольнага, чыгуначны мост у раёне вёскі Петэрсгаген (былая Кутузаўка) Запарожскай вобласці, а таксама чыгуначны мост праз Сіваш у Чангары. Першы асобны штурмавы полк УСУ таксама паведамляў пра паражэнне пантоннага моста ў Чангары.

Каментары1

  • Санта Бэрримор
    11.10.2026
    Наконец.

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць