Грамадства44

У Нясвіжы з буйной зніжкай прадалі двухпавярховы гістарычны асабняк

Двухпавярховы асабняк часоў польскай улады ў Заходняй Беларусі прадалі з аўкцыёну ў Нясвіжы ўсяго за 71 610 рублёў, або 23 798 даляраў паводле курсу Нацбанка, паведамляе Domovita.by.

Фота: БУТБ-Маёмасць

У будынку на вуліцы Сыракомлі ў савецкія і постсавецкія гады працавала зубапратэзная лабараторыя. Яго некалькі разоў выстаўлялі на таргі, і ўрэшце чацвёрты аўкцыён стаў для гэтага дома паспяховым.

Разам з двухпавярховым цагляным будынкам пераможца атрымаў у арэнду на паўстагоддзя зямельны ўчастак плошчай амаль 8 сотак. 

Фота: БУТБ-Маёмасць

Таргі па продажы двухпавярховага цаглянага дома на вуліцы Сыракомлі, 21 у Нясвіжы расцягнуліся амаль на паўгода і завяршыліся толькі з чацвёртай спробы. Прадаўцом выступіла Нясвіжская цэнтральная раённая бальніца, якая выставіла нерухомасць на электронную пляцоўку «БУТБ-Маёмасць».

Раней тут працавала зубапратэзнае аддзяленне, але пасля пераезду медыкаў будынак плошчай 274,8 квадратнага метра пуставаў. 

Інвестары доўга не адважваліся набыць гэты гістарычны будынак. У маі і ліпені гэтага года нерухомасць беспаспяхова спрабавалі прадаць за 341 000 рублёў. У жніўні цану знізілі роўна ўдвая — да 170 500 рублёў, аднак і тады ахвотных купіць дом не знайшлося. А вось пасля зніжэння кошту лота на 80%, калі пачатковую цану апусцілі да 68 200 рублёў, купец усё ж знайшоўся.

Крыніца: yozas_gubka

На такую шчодрую зніжку адгукнуўся адзін прэтэндэнт — прыватны інвестар з Мінска. Паводле правіл аўкцыёну лот перадалі адзінаму ўдзельніку, які падаў заяўку, з павышэннем пачатковай цаны на 5%. У выніку сума здзелкі склала 71 610 рублёў, што адпавядае 23 798 далярам. Новы ўласнік плануе перавесці будынак з медыцынскага фонду ў жылы і зрабіць там прыватны дом.

Акрамя таго, паколькі асабняк унесены ў Дзяржаўны спіс гісторыка-культурных каштоўнасцяў Беларусі, уладальніку трэба будзе падпісаць ахоўнае абавязацельства, на працягу трох месяцаў атрымаць узгадненне Міністэрства культуры на правядзенне даследаванняў, распрацаваць праект рэстаўрацыі і пачаць будаўнічыя работы цягам трох гадоў.

Крыніца: yozas_gubka

Сам будынак дакладна нельга назваць звычайным — яго мінулае даволі складанае. У афіцыйных дакументах годам пабудовы пазначаны 1935-ы, але гістарычныя крыніцы сведчаць, што дом узвялі ў 1924—1926 гадах. Ён уваходзіў у склад «урадавага» квартала — так званай чыноўніцкай калоніі часоў уваходжання Заходняй Беларусі ў склад Польшчы.

Каб замацаваць прыезджых службоўцаў на беларускіх землях, у Нясвіжы за дзяржаўныя сродкі пабудавалі новыя дамы ў раёне фальварка Зарэчча. Падобныя кварталы ўзводзілі таксама ў Брэсце, Стоўбцах і Браславе. Генеральны план нясвіжскай калоніі распрацавалі варшаўскі архітэктар Тэадор Буршэ і інжынер Юзаф Крупа. Дом № 21 Буршэ праектаваў асабіста, разлічваючы яго на дзве сям'і.

Архітэктуру дамоў выбралі з высокімі дахамі і ганкамі, якія імітавалі шляхецкія сядзібы. Побач захаваліся яшчэ два будынкі гэтага гістарычнага ансамбля. У савецкі час квартал выкарыстоўваўся як база лясной гаспадаркі і атрымаў народную назву «пасёлак лясніцтва», а пазней перайшоў да медыкаў.

Каментары4

  • Каханку
    16.10.2026
    Гэтыя сьцены і тыя 8 сотак варта празваніць мэталашукальнікам… можна і грошы патрачаныя вярнуць…
    Шмат што знаходзілі ў Нясьвіжы…
    У пачатку 90-х пад шумок перабудовы піцерскія радыёаматары выкапалі і вывезьлі некулькі машын…
  • Прыгожы які
    16.10.2026
    Каб не знеслі яго толькі, палацык гэты, як зараз усё польскае разбураюць. Хай яму пашанцуе выратавацца.
  • хитрый Лис
    17.10.2026
    если в других странах всё приватизируется сразу или в короткий срок , то лука растянул этот процесс на десятилетия давая влзможность "заработать" своим холуям, а потом покупать по смешным ценам.

Цяпер чытаюць

Від на Каложскую царкву безнадзейна сапсаваны13

Від на Каложскую царкву безнадзейна сапсаваны

Усе навіны →
Усе навіны

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой57

Ці нападалі мядзведзі ў Беларусі на людзей?1

Мігранты ўсё радзей едуць у багатыя краіны. І гэта можа стаць праблемай для тых краін10

Навукоўцы прыдумалі аднаразовыя кубачкі для кавы без кроплі пластыку2

больш чытаных навін
больш лайканых навін

Від на Каложскую царкву безнадзейна сапсаваны13

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць