Свет22

Еўрапейскія чыноўнікі зладзілі дэмарш супраць міністра фінансаў Расіі на сустрэчы МВФ у Бангкоку

Пасяджэнне пакінулі амаль дзясятак дэлегатаў. Сярод іх былі прадстаўнікі Даніі, Швецыі, Фінляндыі, Нарвегіі, Літвы, Латвіі і Эстоніі.

На штогадовай сустрэчы МВФ у Бангкоку прадстаўнікі амаль дзесяці краін пакінулі залу падчас выступлення міністра фінансаў Расіі Антона Сілуанава. Раней еўрапейскія чыноўнікі прымусілі арганізатараў змяніць рассадку на афіцыйным прыёме, адмовіўшыся сядзець за адным сталом з расійскім віцэ-прэм’ерам Аляксеем Аверчуком, піша «Агенцтва».

Дэмарш супраць Сілуанава адбыўся ў суботу на пасяджэнні Міжнароднага валютна-фінансавага камітэта (IMFC) — галоўнага кансультатыўнага органа МВФ. Калі расійскі міністр пачаў выступаць, з залы выйшлі прадстаўнікі некалькіх еўрапейскіх краін, паведаміла агенцтва Reuters са спасылкай на трох суразмоўцаў.

Паводле слоў аднаго з суразмоўцаў агенцтва, пасяджэнне пакінулі амаль дзясятак дэлегатаў. Сярод іх былі прадстаўнікі Даніі, Швецыі, Фінляндыі, Нарвегіі, Літвы, Латвіі і Эстоніі.

Першым з залы, паводле яго ўласных слоў, выйшаў кіраўнік Нацыянальнага банка Украіны Андрэй Пышны. Ён расказаў агенцтву «Інтэрфакс-Украіна», што іншыя кіраўнікі цэнтральных банкаў і міністры ўзялі з яго прыклад.

Адзін з еўрапейскіх дыпламатаў патлумачыў Reuters, што вайна ва Украіне ўяўляе экзістэнцыяльную пагрозу для Еўропы, таму еўрапейскія дзяржавы не могуць дапусціць нармалізацыі адносін з Расіяй.

Яшчэ адзін дыпламатычны скандал адбыўся ў чацвер на афіцыйным прыёме ў Доме ўрада Тайланда.

Арганізатары планавалі размясціць за адным сталом некалькіх кіраўнікоў еўрапейскіх цэнтральных банкаў і віцэ-прэм’ера Расіі Аляксея Аверчука, які ўзначальвае расійскую дэлегацыю і знаходзіцца пад заходнімі санкцыямі.

Еўрапейскія чыноўнікі запатрабавалі змяніць зацверджаную рассадку або заявілі пра намер адмовіцца ад удзелу ў мерапрыемстве, паведаміў Пышны.

Паводле слоў кіраўніка ўкраінскага Цэнтрабанка, пярэчанні выказалі прадстаўнікі цэнтральных банкаў Францыі, Германіі, Вялікабрытаніі і Харватыі. За тым жа сталом першапачаткова планавалі размясціць дырэктарку МВФ Крысталіну Георгіеву, прэзідэнтку Еўрапейскага цэнтральнага банка Крысцін Лагард і міністарку фінансаў Швецыі Элізабэт Свантэсан.

Усяго прыём быў разлічаны больш чым на 400 удзельнікаў. Пасля пярэчанняў еўрапейцаў арганізатары змянілі рассадку, а Аверчук на мерапрыемства не прыйшоў, расказаў Пышны.

Акрамя таго, арганізатары адмянілі традыцыйнае агульнае фота ўдзельнікаў штогадовых сустрэч МВФ і Сусветнага банка.

Расійская дэлегацыя высокага ўзроўню прыехала на штогадовыя сустрэчы МВФ і Сусветнага банка ўпершыню з пачатку поўнамаштабнага ўварвання ва Украіну.

Для Сілуанава гэта другая падобная замежная паездка пасля пачатку вайны.

Першая адбылася 31 жніўня — 1 верасня, калі міністр фінансаў Расіі наведаў сустрэчу G20 у Эшвіле па запрашэнні амерыканскага боку.

Тады вяртанне Сілуанава выклікала абурэнне еўрапейскіх дэлегацый. Прадстаўнікі еўрапейскіх краін адмовіліся фатаграфавацца разам з ім, і ў выніку агульны здымак зрабілі без расійскага міністра.

Міністр фінансаў Германіі Ларс Клінгбайль заявіў, што бачыць спробы, найперш з боку ЗША, вярнуць Расію на міжнародную арэну.

Паводле яго слоў, «нельга рабіць выгляд, што Расія вяртаецца ў G20 у якасці паўнавартаснага члена і проста зноў займае сваё месца за сталом».

Намесніца міністра фінансаў ЗША па міжнародных пытаннях Эрын Браўн пацвердзіла, што Вашынгтон падтрымлівае ўдзел Расіі ў міжнародных сустрэчах. Паводле яе слоў, без адкрытага дыялогу немагчыма ўрэгуляваць канфлікт.

Падобныя дэмаршы пачаліся неўзабаве пасля расійскага ўварвання ва Украіну.

20 красавіка 2022 года ўдзельнікі сустрэчы міністраў фінансаў G20 у Вашынгтоне пакінулі пасяджэнне, калі Сілуанаў пачаў выступаць па відэасувязі.

Сярод тых, хто выказаў пратэст, былі міністарка фінансаў ЗША Джанет Елен, старшыня Федэральнай рэзервовай сістэмы Джэром Паўэл, кіраўніца ЕЦБ Крысцін Лагард і прадстаўнікі іншых заходніх дзяржаў.

Каментары2

  • 100500
    17.10.2026
    I гэта добра!
  • Кореш
    17.10.2026
    И зачем было столько прений и телодвижений. Надо было просто подойти к представителям России и поцеловать их в жопу.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Трамп заявіў еўрапейскім лідарам і Зяленскаму, што Пуцін імкнецца да міру6

Самая вядомая бегемоціха свету Фіёна памерла, з'еўшы вязаную шапку1

Расія нанесла новы масіраваны ракетны ўдар, у Кіеве пашкоджаныя тры масты1

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»45

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць