Ад рэдакцыі1515

Камандуючы НАТА не гаварыў пра ўдары па Беларусі ў выпадку нападу Расіі з яе тэрыторыі. Гэта агучвалася ў ранейшай стратэгіі

Галоўнакамандуючы аб'яднанымі сіламі NATO ў Еўропе, амерыканскі генерал Алексус Грынкевіч на Варшаўскім форуме бяспекі публічна апісаў новую вайсковую стратэгію Альянсу на выпадак нападу Расіі на ўсходні фланг. Мы ў нашым пераказе яго выступу спалучылі яго выказванні з апісаннем раней агучаных планаў NATO.

Алексус Грынкевіч. Фота: AP Photo / Attila Husejnow

Канцэпцыя пад назвай «Тэорыя перамогі» (Theory of Victory) прадугледжвае «разгром праціўніка за тры этапы».

На першым этапе, які атрымаў назву Block («Блакаваць»), сілы НАТО мусяць адбіць першапачатковую атаку. Калі праціўнік працягне наступ, альянс пяройдзе да другога этапу — Blunt («Аслабіць удар»). Яго задача — пазбавіць наступальныя войскі магчымасці прасоўвацца далей.

Трэці этап — Break («Разграміць») — прадугледжвае знішчэнне не толькі наступальных падраздзяленняў, але і ўсёй ваеннай сістэмы, якая забяспечвае іх дзеянні. Для гэтага НАТО плануе перарэзаць шляхі забеспячэння, вывесці з ладу сістэмы камандавання і пазбавіць атакуючыя войскі баяздольнасці.

Загаловак артыкула «Нашай Нівы» «Камандуючы НАТА Грынкевіч: У выпадку нападу Расіі ўдары будуць нанесеныя па Беларусі, Калінінградзе і Пецярбургу» быў некарэктны, бо ён прыпісвае гэтыя словы самому Грынкевічу. Грынкевіч у сваім выступе гэтага не казаў.

У той жа час раней паведамлялася, што, згодна са стратэгіяй, распрацаванай NATO, калі Расія нападзе, NATO мае намер наносіць удары па расійскіх камандных пунктах і сістэмах СПА на тых кірунках, з якіх напад будзе ажыццёўлены. Калі з Беларусі — то па Беларусі, калі з Калінінградскай вобласці і з раёна Пецярбурга — то па іх. Мэта такіх удараў у тым, каб пазбавіць праціўніка перавагі ў паветры і адкрыць шлях для контрнаступу. 

Пераказ выступу Грынкевіча, зроблены ў «Нашай Ніве» паводле The Wall Street Journal, быў недакладны. Просім прабачэння за гэта. Аднак сутнасць пытання была перададзеная правільна. Калі Беларусь стане плацдармам для расійскай агрэсіі, яна стане і зонай баявых дзеянняў.

Каментары15

  • Сяржук з-пад Маямі
    17.10.2026
    [Рэд. выдалена]
  • Ды ўвогуле
    17.10.2026
    Калі не сказаў, што будуць біць па Беларусі - значыць не будуць? Ну гэта дзіўна. Калі пачнецца вялікая вайна з Еўропай, Беларусь стане палігонам непазбежна, гэта геаграфічна перадвызначана хто б што казаў, або не казаў.
  • Барадзед
    17.10.2026
    Томагавками по аэродромам, как всегда. Россияне могут кака-нибудь наступать и без авиации.

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць