Свет2626

«Гнеў і сорам». Макрон звярнуўся да нацыі пасля пагромаў

«Як французы могуць рабіць такое з Францыяй?»

Скрын відэа

Прэзідэнт Францыі асудзіў гвалт і заклікаў да спакою, пакуль Францыя падлічвае страты ад найгоршых хваляванняў за апошнія гады. Затрыманыя 2400 чалавек.

Эмануэль Макрон выступіў з тэлезваротам увечары 18 кастрычніка — пасля адных з найбуйнейшых беспарадкаў у Францыі за апошнія гады. Напярэдадні па краіне прайшлі масавыя дэманстрацыі супраць росту цэн і бюракратыі. У шэрагу гарадоў яны суправаджаліся сутыкненнямі, падпаламі і рабаваннем крам.

«Гледзячы на гэтыя кадры, мы ўсе пыталіся: што ў іх у галаве? Як французы могуць рабіць такое з Францыяй?» — сказаў Макрон.

«Нішто гэтага не апраўдвае, нічым гэтага не тлумачыцца, ніяк гэтага не выбачаецца. Сёння ўвечары мы ўсе адчуваем гнеў і сорам».

Паводле міністра ўнутраных спраў Ларана Нуньеса, па ўсёй краіне затрымалі каля 2400 чалавек, амаль тысяча паліцэйскіх атрымалі траўмы. 

У нядзелю сутыкненні аднавіліся ў Парыжы і Марселі. На парыжскай плошчы Рэспублікі паліцыя зноў ужыла слезацечны газ. Там сабраліся некалькі сотняў чалавек, гарэлі груды ровараў.

Макрон усклаў адказнасць за пагромы на групоўкі ўльтралевых і злачынцаў, якія далучыліся да іх. Адначасова ён падкрэсліў: нельга змешваць іх з сотнямі тысяч людзей, якія мірна выйшлі з законнымі патрабаваннямі.

Прэзідэнт даручыў прэфектам разам з мэрамі прымаць меры для абароны гарадоў, у тым ліку пры неабходнасці забараняць асобныя сходы. Ён таксама запатрабаваў высветліць, чаму сілавікі не змаглі загадзя падрыхтавацца да такога маштабу гвалту.

«Тыя, хто разбураў, павінны заплаціць. Тыя, хто рабаваў, павінны кампенсаваць страты», — заявіў ён.

На 19 кастрычніка запланавана пасяджэнне ўрадавага крызіснага штаба.

Прэм’ер Себасцьен Лекарню таксама мусіць сабраць ліцэістаў, студэнтаў, выкладчыкаў, прафсаюзы, працадаўцаў і парламентарыяў для выпрацоўкі канкрэтных прапаноў.

Каментары26

  • UFO
    19.10.2026
    Згодны, французы ня могуць.
    Але там пераважна былі не французы.
  • …
    19.10.2026
    [Рэд. выдалена]
  • Вива Франция
    19.10.2026
    Взять за ж*ы и выкинуть за пределы ЕС всех этих асоциальных элементов-нелегалов с пожизненным запретом для въезда в ЕС, но прежде чем депортировать пускай они делают ремонты, убирают за собой мусор плюс посидят в тюрьмах

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць