Свет44

Меланія Трамп заявіла, што дамаглася гуманітарнага перамір'я ў Алешках

Першая лэдзі ЗША Меланія Трамп заявіла, што дамаглася пагаднення паміж Расіяй і Украінай аб часовым спыненні баявых дзеянняў на асобным участку ў акупаваным горадзе Алешкі Херсонскай вобласці. Рэжым цішыні павінен пачацца ў чацвер, 29 кастрычніка, каб забяспечыць дастаўку гуманітарнай дапамогі і падрыхтаваць эвакуацыю мірных жыхароў. Пра гэта паведамляецца ў заяве Белага дома, піша Украінская служба Бі-бі-сі.

Меланія Трамп. Фота Anna Moneymaker / Getty Images

Паводле ацэнак украінскага ўрада, у блакадзе ў Алешках апынуліся ад дзвюх да шасці тысяч мірных жыхароў. Горад ужо шмат месяцаў адрэзаны ад паставак прадуктаў харчавання і лекаў. Людзі галадаюць: раней жыхары расказвалі, што вымушаныя, варыць суп з пустазелля. Выбрацца з горада таксама вельмі небяспечна праз замінаваныя дарогі.

Меланія Трамп назвала сітуацыю ў Алешках крытычнай і заявіла, што горад знаходзіцца на мяжы катастрофы. Большасць тых, хто застаўся там, — пажылыя людзі, якім тэрмінова патрэбныя медыцынская дапамога, лекі, ежа і чыстая вада.

Горад апынуўся ў пастцы праз сваё геаграфічнае становішча і баявыя дзеянні. На поўначы і захадзе яго аддзяляе рака Дняпро, а масты разбураныя. Дарогі на поўдні і ўсходзе небяспечныя або непраходныя. Пры гэтым сухапутныя шляхі да Алешак цяпер існуюць толькі з боку тэрыторыі, якую кантралююць расійскія войскі. З боку Украіны ўсе масты падарваныя.

Паводле слоў Меланіі Трамп, пра становішча ў горадзе яна даведалася падчас прыватнай размовы на Генеральнай Асамблеі ААН. Яна сцвярджае, што выступіла пасярэдніцай у перамовах з кіраўніцтвам Расіі і Украіны, ініцыявала іх і ўзгадніла тэхнічныя працэдуры і тэрміны спынення агню.

План прадугледжвае часовае спыненне баявых дзеянняў, дастаўку гуманітарнай дапамогі і арганізацыю бяспечнага калідора для эвакуацыі. Па словах першай лэдзі ЗША, жыхарам, якія захочуць пакінуць горад, дадуць транспарт і іншую неабходную падтрымку. Яна чакае, што частка людзей вырашыць эвакуявацца ў Расію, а частка — ва Украіну.

Меланія Трамп таксама паведаміла, што жыхароў Алешак будуць наведваць цывільныя прадстаўнікі абедзвюх краін, якія не звязаныя з вайсковымі структурамі. Незалежная амерыканская медыяарганізацыя павінна суправаджаць расійскія і ўкраінскія групы і дакументаваць іх працу.

Пакуль, аднак, застаецца незразумелым, з якога боку будуць дастаўляць дапамогу і арганізоўваць гуманітарны калідор. Верагодна, гэта будзе тэрыторыя, кантраляваная Расіяй. У заяве Меланія Трамп таксама не патлумачыла, як плануюць вырашаць праблему замінаваных тэрыторый. Раней мясцовыя жыхары расказвалі, што спробы выехаць з горада або даставіць туды прадукты звязаныя з рызыкай загінуць на замінаваных дарогах.

Раней дапамагчы жыхарам Алешак заклікалі Папа Леў XIV, украінскі ўпаўнаважаны па правах чалавека Дзмітрый Лубінец і віцэ-прэзідэнтка Еўрапарламента, якая нават абвясціла галадоўку на знак пратэсту супраць сітуацыі.

Пасля разбурэння Кахоўскай гідраэлектрастанцыі ў чэрвені 2023 года каля 90% тэрыторыі Алешак было затоплена. Горад працягвае рэгулярна абстрэльвацца. Ці дазволіць абвешчанае перамір’е сапраўды даставіць людзям ежу і лекі і бяспечна вывезці тых, хто гэтага хоча, пакуль невядома.

Каментары4

  • .
    23.10.2026
    Надеюсь, в этой семейной паре хоть у одного есть яйца принять ответсвенность за свои слова. Если поможет спасти жителей этого города от пришедших "освобождать" их упырей - честь и хвала.
  • Былы палітычны вязень
    23.10.2026
    Thank You, President Trump!, ненависть диванных затмила им разум.
    Всё, что ни сделает Трамп - "плохо", по умолчанию.
  • знакомый с обстановкой
    23.10.2026
    только недавно получилось наконец выбить экипажи фпвшников россиян с берега днепра, и сейчас путин через трампа любезно продавил идею "перемирия" чтобы завести новые экипажи - плевать им на население, украинцы не давали подъехать по единственной дороге именно россиянам. Сраные популисты с американской и украинской стороны как всегда забивают на своих же военных и на жителей Херсона, которые еще больше будут погибать после такого "перемирия". Поменять тысячу жителей Алешек на несколько тысяч в Херсоне - оце перемога

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць