Культура11

Абвясцілі лаўрэатаў прэміі імя Міхала Анемпадыстава

Лаўрэатамі прэміі імя Міхала Анемпадыстава за найлепшую кніжную вокладку 2025 года сталі Ліна Хесэ і Ігар Юхневіч. Узнагароду ім прысудзілі за афармленне кнігі «Беспрацоўнае дрэва» Светы Бень і Ліны Хесэ, якая выйшла ў выдавецтве «Мяне Няма» ў 2025 годзе, паведамляе Беларускі ПЭН.

Цырымонія ўзнагароджання адбылася 24 кастрычніка ў Варшаве. Журы адзначыла працу «за майстэрскую гульню паміж крафтам і поп-артам, за дзіцячую адкрытасць, за дарослы сімвалізм».

Па словах сябры журы Надзеі Зелянковай, кніга-пераможца значна апярэдзіла астатнія працы. Яна адзначыла, што дзіцячыя кнігі звычайна рэдка трапляюць нават у кароткія спісы падобных конкурсаў, аднак у гэтым выпадку дызайнерскае рашэнне адразу заваявала прызнанне журы.

Сёлета ў кароткі спіс прэміі ўвайшлі восем работ, якія прадэманстравалі разнастайнасць мастацкіх падыходаў да афармлення кніг.

Цырымонія прайшла ў варшаўскім REDAKCJA BAR і сабрала прадстаўнікоў беларускай культурнай і кніжнай супольнасці. У праграме былі выстава «Восем вокладак як восем гісторый», прэзентацыя выдання «Форма прысутнасці», прысвечанага беларускай кніжнай вокладцы, і дыскусія пра вокладку як візуальны вобраз кнігі. Пасля афіцыйнай часткі адбыліся музычны сэт Papa Bo Selektah і нефармальныя размовы ўдзельнікаў.

Прэмія імя Міхала Анемпадыстава заснаваная ў 2019 годзе. Яна адзначае найлепшыя дызайнерскія рашэнні ў афармленні кніжных вокладак і спрыяе развіццю візуальнай культуры беларускай кнігі. Яе арганізатары — Беларускі ПЭН і фонд Open Culture.

Сярод папярэдніх лаўрэатаў — Рыгор Кацнэльсон за вокладку кнігі «Віленскі покер», Алена Дашкевіч за выданне «Простыя словы. Міхал Анемпадыстаў», Анатоль Лазар за кнігу «(Не)расстраляныя», Яна Галушкіна і лічбавы архіў VEHA за «Людзі Лесу / Ludzi Lesu», Святлана Дземідовіч і Лукаш Левандоўскі за «Побач», а таксама Маша Мароз і Ігар Юхневіч за кнігу «Мое баба — діректор морга».

Каментары1

  • Рыгор
    25.10.2026
    Зноў падтрымалі найбольш безгустоўнае, нейкі культ найгоршага.

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць