Спорт3131

Расіян вяртаюць на хакейныя чэмпіянаты свету. Беларусаў пакінулі за бортам

Міжнародная федэрацыя хакея на лёдзе (IIHF) ужо разаслала расклад моладзевага ЧС-2027 з удзелам Расіі. А мужчынскай і моладзевай зборным Беларусі ў вяртанні адмовілі. Адхіленыя разам у 2022 годзе каманды цяпер апынуліся ў розных умовах.

Пра абноўлены расклад паведаміла Швейцарская федэрацыя хакея. Расійская моладзевая зборная павінна заняць месца Нарвегіі, якую пераводзяць у першы дывізіён.

Расія трапляе ў групу з Канадай, Швейцарыяй, Латвіяй і Фінляндыяй. Турнір пройдзе з 26 снежня 2026 года па 5 студзеня 2027‑га ў канадскіх Эдмантане і Рэд-Дзіры. На 27 снежня ў абноўленым раскладзе ўжо прызначаная сустрэча Расіі са Швейцарыяй.

Для Беларусі рашэнне іншае. 7 лістапада IIHF пацвердзіла, што беларуская моладзевая зборная U20 і мужчынская нацыянальная каманда не будуць удзельнічаць у чэмпіянатах свету 2027 года.

Федэрацыя хакея Беларусі абскарджвала абмежаванні ва ўнутраным дысцыплінарным органе IIHF. Той часткова задаволіў апеляцыю, але заявіў, што не мае прававых падстаў загадаць неадкладна вярнуць беларусаў на турніры.

Пасля гэтага рада IIHF зноў адмовіла ў допуску. Яна спаслалася на ўжо зацверджаныя фарматы спаборніцтваў, расклады, продаж квіткоў і арганізацыйныя планы.

Расійская федэрацыя дамаглася іншага выніку праз Спартыўны арбітражны суд у Лазане. 30 кастрычніка суд абавязаў IIHF дапусціць расійскія каманды да шэрагу міжнародных турніраў.

Беларускія і расійскія каманды адхілілі разам 28 лютага 2022 года, пасля пачатку поўнамаштабнага ўварвання Расіі ва Украіну. Цяпер расіяне дамагліся асобнага рашэння на сваю карысць, а беларуская нацыянальная і моладзевая зборныя па-ранейшаму застаюцца без чэмпіянатаў свету.

Каментары31

  • Daily Record
    08.11.2026
    😂
  • Gorliwy Litwin
    08.11.2026
    І што, Канада выдасць маскалям візы, і ўсё зборныя будуць з імі гуляць!? Проста верх цынізму, калі так.
  • Стыдно і больно
    08.11.2026
    Большай ганьбы для заходняй бюракратыі цяжка сабе і ўявіць. Яны нахіляюцца перад распачынальнікамі вайны, а беларусаў, якія далі бой дыктатуры, выкідваюць за борт. Хлусы, трусы і прадажныя шкуры!

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць