Эканоміка33

Заснавальнікі «Контэ» браты Байко пашыраюць свой бізнэс у сельскай гаспадарцы

У планах — новыя фермы ў Віцебскай вобласці.

Валянцін Байко. Фота: grodno-region.gov.by

Гродзенскія бізнэсмены браты Байко, заснавальнікі групы «Контэ», разам з Тураўскім малочным камбінатам (ТМК), які яны кантралююць, пашыраюць свой сельскагаспадарчы кластар у Віцебскай вобласці. Галоўная пляцоўка — аграпрадпрыемства «Таргуны» ў Докшыцкім раёне. Там яны хочуць павялічыць вытворчасць сыравіны, найперш малака, піша Office Life.

«Таргуны» выпусцілі дадатковыя акцыі на 40 млн беларускіх рублёў. ТМК купляе большую частку: 32,97 млн акцый на 30 млн рублёў. «Контэ Інвест» купіла амаль 11 млн акцый на 10 млн рублёў. Цяпер ёй напрамую належыць 46,47% статутнага фонду «Таргуноў».

Адначасова прадпрыемства рэарганізуюць. На лістападаўскім пазачарговым сходзе акцыянераў ТМК разгледзяць, ці далучаць да «Таргуноў» сельгаспрадпрыемства «Гнездзілава-Агра».

«Таргуны» цяпер — адзін з найбуйнейшых аграрных вытворцаў рэгіёна.

Як расказвае Office Life, у планах прадпрыемства на 2026—2028 гады — спраектаваць і пабудаваць малочна-таварны комплекс поўнага цыкла каля вёскі Камайск і дабудаваць ферму ў Ветэры.

Калі гэтыя аб'екты запрацуюць, вытворчасць малака павялічыцца ўдвая. Будоўлю хочуць аплаціць грашыма акцыянераў і крэдытамі па дзяржпраграмах развіцця сельскай гаспадаркі.

Інвестары кажуць, што іх мэта не толькі вырабляць больш. Яны таксама хочуць, каб гаспадарка працавала больш эфектыўна, і плануюць пагасіць яе назапашаныя даўгі.

Браты Байко ідуць па шляху іншых беларускіх бізнэсменаў і ўкладваюцца ў развіццё тэрыторый у Віцебскай вобласці. Група кампаній «Сервалюкс» Яўгена Баскіна набыла 10 сельгаспрадпрыемстваў у Дубровенскім раёне. Мікалаю Вараб'ю перадалі свабодныя землі ў Верхнядзвінскім раёне. «Савушкаў прадукт» Аляксандра Машэнскага выкупіў маёмасны комплекс Полацкага малочнага камбіната. У Віцебску развівае вытворчасць Горкаўскі харчовы камбінат Аляксея Саўчука.

Каментары3

  • Адольф Григорьевич
    11.11.2026
    Спасибо Президенту за наше счастливое будущее. Будущее принадлежит большому бизнесу и правительство работает для большого бизнеса.
  • ваван
    11.11.2026
    эпоха "КАЛХОЗА" заканчивается... Начинается новая - эпоха латифундий прикорытников. 30 лет мучил крестьян. Почти уничтожил деревню. И, главное, местный житель НЕ хозяин на "своей" земле. Как был холопом так и остался. В этом и была основная ЦЕЛЬ удержания колхозов на плаву...
  • Григорьич, ты не при делах
    11.11.2026
    Нет, Адольф Григорьевич, спасибо надо сказать конторе глубокого бурения, это ее акции работают в Конте. Потому колготочное предприятие и держится на плаву столько лет и было включено в СЭЗ Гродно

Цяпер чытаюць

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе13

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Усе навіны →
Усе навіны

Правялі лёсаванне чвэрцьфіналаў футбольнай Лігі нацый3

Трамп: Пуцін сказаў мне, што не пайшоў бы вайной на Украіну, калі б я тады быў прэзідэнтам18

Проста зняць лазню ў аграсядзібе больш не выйдзе. Для ўладальнікаў і гасцей запрацавалі новыя правілы6

Пасля выкрыцця спробы палітычнага забойства Данія абмяжоўвае выдачу віз расіянам і выкідае з краіны расійскага аташэ

«Табе яшчэ прыйдзецца выбачыцца». Ціханоўскі адказаў Севярынцу125

Міністр абароны Германіі заклікаў еўрапейцаў ехаць да Пуціна ў Маскву9

УСУ вызвалілі 14 вёсак на Харкаўшчыне. Аперацыя «Мядзведжы капкан» праходзіла ў рэжыме поўнай сакрэтнасці7

Памёр мастак Юрый Несцярук1

У Івана-Франкоўскай вобласці расійская ракета прабіла дах дома, але не выбухнула ФОТА

больш чытаных навін
больш лайканых навін

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе13

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Галоўнае
Усе навіны →

Заўвага:

 

 

 

 

Закрыць Паведаміць