Грамадства77

У Мінску развялося шмат варон. Чаму так і што з гэтым рабіць?

У апошнія гады жыхары Мінска ўсё часцей заўважаюць павелічэнне колькасці крумкачовых птушак, у тым ліку шэрых варон і гракоў. Шум і раскіданыя імі адкіды выклікаюць незадаволенасць гараджан, якія абмяркоўваюць гэтую праблему ў сацыяльных сетках, звярнуў увагу Мінскі гарадскі камітэт прыродных рэсурсаў і аховы навакольнага асяроддзя. Ён патлумачыў, чаму так адбываецца і як з гэтым змагацца.

Здымак ілюстрацыйны. Фота: pixabay.com

Калі раней вароны пераважна зімавалі ў гарадах, то цяпер яны пастаянна гняздуюцца ў скверах і дварах.

Асноўнымі прычынамі гэтага называюць даступнасць ежы, мяккі гарадскі клімат і адсутнасць натуральных драпежнікаў.

Згодна з Законам «Аб жывёльным свеце» і пастановай Савета Міністраў Беларусі ад 30 студзеня 2008 года № 126 «Аб абыходжанні з дзікімі жывёламі і рэгуляванні іх распаўсюджвання і колькасці», прадугледжаныя два асноўныя спосабы рэгулявання колькасці птушак.

Першы — без выдалення птушак з асяроддзя пражывання.

Для гэтага могуць выкарыстоўвацца гукавыя і светлавыя адпужвальнікі, а таксама ў акрэсленых выпадках разбурацца гнёзды. Апошняе дазваляецца толькі ў перыяд з 15 жніўня да 15 лютага.

Другі спосаб прадугледжвае адлоў або знішчэнне птушак.

Гэтым могуць займацца выключна спецыялізаваныя арганізацыі з захаваннем устаноўленых правілаў і тэрмінаў, на падставе дазволаў Міністэрства прыродных рэсурсаў і аховы навакольнага асяроддзя.

Каб вызначыць, ці неабходна рэгуляваць колькасць крумкачовых, жыхарам прапануюць звяртацца ў мясцовыя выканаўчыя і распарадчыя органы — адміністрацыі сваіх раёнаў. Спецыяльная камісія абследуе тэрыторыю і вызначыць неабходнасць, спосабы і тэрміны адпаведных мерапрыемстваў.

Самастойна разбураць гнёзды, адлоўліваць або адстрэльваць птушак, выкарыстоўваць ядахімікаты, забіраць яйкі ці птушанят забаронена. Такія дзеянні з'яўляюцца незаконнымі і могуць мець прававыя наступствы, а таксама разглядаюцца як нанясенне шкоды навакольнаму асяроддзю.

Пры гэтым барацьба з наступствамі праблемы не будзе эфектыўнай без ліквідацыі яе асноўнай прычыны — даступнасці харчовых адкідаў. У сувязі з гэтым у Мінску плануюць мадэрнізаваць інфраструктуру жыллёва-камунальнай гаспадаркі і замяніць адкрытыя сметніцы на сучасныя кантэйнеры са шчыльнымі вечкамі. Гэта прадугледжана схемай абыходжання з камунальнымі адкідамі.

Каментары7

  • ЖЭС
    13.11.2026
    Žvir , Некамерцыйная зграя вольных птушак?
  • Žvir
    13.11.2026
    ЖЭС, jany nadzvyčaj razumnyja. U mianie žyła varona ŭ haražy, kolki hadoŭ tamu. Nievierahodna kiemlivaja była. Karmiŭ jaje tvarahom ( liubiła tvaroh) i dumaŭ, jak było b kłasna, kab jana razmaŭlać mahła, šmat cikavaha možna było b daviedacca.
  • Кар
    13.11.2026
    Žvir , Дык яна расказвала, проста вы не пачулі. Шукайце Папараць-кветку (у аптэках не прадаецца).

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць