Грамадства

Культурна-забаўляльныя мерапрыемствы цяпер будуць арганізоўваць па рэестру

Выдадзеная пастанова Савета Міністраў, якая прадугледжвае фармаванне рэестра арганізатараў культурна-забаўляльных мерапрыемстваў, паведамляе БелТА. Пастанова ўступае ў сілу з дня апублікавання.

Пастанова Савета Міністраў адносна рэестра прынятая 22 чэрвеня 2022 года пад нумарам 401. Складаць і весці рэестр, паводле яе, будзе Міністэрства культуры або ўпаўнаважаная ім юрыдычная асоба. Дэкларуецца, што інфармацыя ў рэестры павінна быць поўнай і дакладнай, адкрытай і даступнай для ўсіх.

У рэестры будуць размешчаныя звесткі аб арганізатарах з ліку ІП, юрыдычных асоб (акрамя дзяржорганаў, дзяржарганізацый і арганізацый, у статутных фондах якіх 50 працэнтаў і больш акцый (доляў) знаходзіцца ва ўласнасці Беларусі або яе адміністрацыйна-тэрытарыяльных адзінак), а таксама замежных або міжнародных арганізацый, у тым ліку якія не з'яўляюцца юрыдычнымі асобамі.

Для ўключэння ў рэестр арганізатару трэба накіраваць заяву ў Міністэрства і шэраг дакументаў. Дакументы разгледзіць рэспубліканская экспертная камісія пры Мінкультуры.

Дэкларуецца, што камісія павінна ўлічваць мастацкі ўзровень культурна-забаўляльных мерапрыемстваў, праведзеных арганізатарам. Але таксама яна «зверне асаблівую ўвагу на наяўнасць фактаў адмены мерапрыемстваў без уважлівых прычын, іх правядзення з парушэннем патрабаванняў Кодэкса аб культуры, іншых актаў заканадаўства, парушэння тэрмінаў выплаты грашовай кампенсацыі кошту ўваходнага білета, яго нявыплаты або выплаты ў няпоўным памеры».

Арганізатары, якія падлягаюць уключэнню ў рэестр, але не ўключаныя ў яго, не змогуць праводзіць культурна-забаўляльныя мерапрыемствы.

Гэтая норма не датычыцца мерапрыемстваў, пасведчанне на права арганізацыі і правядзення якіх на тэрыторыі Беларусі выдадзена да 1 жніўня 2022 года.

Не выпадае асабліва сумнявацца, што рэестр будзе выкарыстоўвацца перадусім для таго, каб нібыта на законных падставах звесці легальнае культурнае жыццё краіны да мерапрыемстваў, арганізаваных дзяржавай і афіліяванымі з ёй арганізацыямі.

Каментары

Цяпер чытаюць

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка14

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Усе навіны →
Усе навіны

На фронце знайшлі загінулым 25‑гадовага беларуса з пазыўным «Дэкан»6

Расія рэкорднымі тэмпамі прадае золата, а Польшча за апошнія гады купіла яго найбольш за ўсіх у Еўропе10

Заснавальнік партала Realt.by прадае дом за $3 мільёны9

Як выглядае элітны клубны квартал нулявых у Мінску2

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе28

У Мінску датэрмінова закрылі анімалістычную выставу. Прычына можа быць у асобных мастаках1

GTA 6 за адзін дзень пабіла рэкорды ўсіх часоў10

БАТЭ апусціўся на перадапошняе месца ў чэмпіянаце і можа ў наступную суботу вылецець з вышэйшай лігі6

Звязаныя з ФСБ хакеры пачалі новую серыю атак на журналістаў і палітыкаў па ўсім свеце

больш чытаных навін
больш лайканых навін

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка14

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Галоўнае
Усе навіны →

Заўвага:

 

 

 

 

Закрыць Паведаміць