Навука і тэхналогіі22

У смартфонах на Android знайшлі спосаб абыходзіць пароль экрана. Распавядаем, як праверыць свой смартфон

Аказалася, што ў некаторых мадэлях андроідаў, калі выканаць просты алгарытм, можна разблакаваць чужы смартфон без уводу пароля. Праверце, ці не ўразлівы менавіта ваш.

Фота: TrustedReviews, па ліцэнзіі CC BY-NC-ND 4.0

Гэта дакладна працуе з усімі тэлефонамі Google Pixel, але, па звестках даследчыка, які знайшоў баг, можа спрацаваць і з іншымі тэлефонамі на Android-версіях з 10-й па 13-ю. Вам спатрэбіцца толькі сім-карта, ад якой вы ведаеце PIN і PUK-коды, важна ведаць абодва (яны ёсць на ўпакоўцы ад сім-карт). Вось вельмі простая інструкцыя, як гэта працуе:

  1. Заблакуйце прыладу.
  2. Дастаньце латок для SIM-картаў і ўстаўце SIM-карту, якая патрабуе пін-код для разблакіроўкі.
  3. Увядзіце пін-код няправільна 3 разы, каб адключыць SIM-карту і яна запатрабавала PUK-код.
  4. Увядзіце сапраўдны PUK-код для SIM-карты і стварыце новы пін-код.
  5. Праверце, ці не разблакаваўся ваш смартфон. Калі не — на вас не працуе гэты баг.
  6. У любым выпадку прачытайце, што рабіць, каб або выправіць баг, або ўвогуле зрабіць ваш тэлефон менш уразлівым.

Відэаінструкцыя па тым, як гэта працуе. Відэа: YouTube / David Schütz

У эксперыменце чалавек абыходзіў так блакіроўку з адбіткам пальца і пін-кодам экрана, але падобна, што гэта працуе для любых камбінацый.

Калі вы не можаце спраўдзіць гэта самі, то папрасіце сваіх сяброў ці блізкіх, асабліва калі ў вас смартфон ад Google.

Што рабіць, калі ў вас атрымалася так разблакаваць тэлефон і вы хочаце зменшыць рызыку такіх здарэнняў?

Рэгулярна і своечасова абнаўляйце ваш тэлефон і праграмы ў ім. Не важна, ці атрымалася ў вас сёння — такіх праблем вельмі шмат, з'яўляюцца яны рэгулярна, а сумленныя распрацоўшчыкі стараюцца своечасова іх выпраўляць. Таму інструкцыя ніжэй падыдзе для ўсіх.

Зайдзіце ў меню абнаўленняў тэлефона і паглядзіце, ці няма свежых абнаўленняў. Калі ёсць — усталюйце і пераправерце яшчэ раз. На тэлефонах Google Pixel, дакладна ўразлівых, гэта робіцца так:

  1. Зайдзіце ў «Налады» (Settings).
  2. Знайдзіце ўкладку меню «Сістэма» (System) > «Абнаўленні сістэмы» (System update).
  3. Праверце наяўнасць абнаўленняў — калі яны ёсць, то ўсталюйце.
  4. Вярніцеся на першую старонку наладаў і абярыце меню «Бяспека» (Security).
  5. Націсніце «Праверка бяспекі» (Google Security checkup).
  6. Калі там ёсць абнаўленні, то ўсталюйце іх.

Пасля гэтага праверце яшчэ раз, ці працуе трук з разблакіроўкай, калі ў першы раз яна прайшла паспяхова. Калі абнаўленні былі і вы іх усталявалі, то, хутчэй за ўсё, не. Але калі так, то адзінае, што вам застаецца — перанесці важныя даныя з тэлефона і чакаць абнаўлення або проста памяняць тэлефон.

Чаму так сталася?

Вельмі проста — праз памылку праграмістаў і тэсціроўшчыкаў, якія не праверылі гэты сцэнар.

У Android існуе канцэпцыя «бяспечных экранаў» — то-бок нейкіх функцыянальных элементаў, якія карыстальнік можа бачыць без доступу да іншых элементаў і зашыфраванай памяці сістэмы, якая знаходзіцца «за паролем». І, груба кажучы, замест таго, каб пасля экрана змены пін-кода вяртаць экран разблакіроўкі, смартфон выклікаў код, які прыбіраў усе экраны. Цяпер гэта выпраўлена. Падрабязнае тэхнічнае апісанне — тут.

«Наша Нiва» — бастыён беларушчыны

ПАДТРЫМАЦЬ

Чытайце яшчэ:

Як пачысціць тэлеграм-боты, каб не засталося ніякіх слядоў ВІДЭА

Як надзейна вычысціць фоты з вашых смартфонаў — падрабязны гайд

Каментары2

  • Мінак
    17.11.2022
    калі ў вас што заўгодна ад гугл, завядзіце на кампе асобную тэчку для інструкцый, а ўнутры яшчэадну тэчку з інструкцыямі да інструкцый...
  • Налады
    18.11.2022
    Не налады, а настаўленьні або настойкі

Цяпер чытаюць

Від на Каложскую царкву безнадзейна сапсаваны16

Від на Каложскую царкву безнадзейна сапсаваны

Усе навіны →
Усе навіны

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой57

Ці нападалі мядзведзі ў Беларусі на людзей?1

Мігранты ўсё радзей едуць у багатыя краіны. І гэта можа стаць праблемай для тых краін10

Навукоўцы прыдумалі аднаразовыя кубачкі для кавы без кроплі пластыку2

больш чытаных навін
больш лайканых навін

Від на Каложскую царкву безнадзейна сапсаваны16

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць