Ежа55

Лянівыя варэнікі з тварагу

Калі ў назве стравы ёсць слова «лянівы», цяжкасцяў з гатаваннем не будзе.

Lazy Dumplings
Лянівыя варэнікі, або пярогі. Фота: everyday-delicious.com

Лянівыя варэнікі — папулярная страва славянскай кухні, асабліва ўкраінскай, дзе наогул культывуюцца варэнікі і галушкі. У Польшы гэта «лянівыя пярогі», якія могуць гатаваць як з тварагу, так і з бульбы.

Перавага лянівых варэнікаў у параўнанні з сырнікамі і тварожнымі запяканкамі — пры іх гатаванні тварог не смажыцца, а варыцца, а таму ежа атрымліваецца больш дыетычнай.

Вам спатрэбіцца:

  • 300 г тлустага тварагу,
  • 1 яйка,
  • соль,
  • цукар (калі хочаце, каб варэнікі атрымаліся салодкімі),
  • 1 сталовая лыжка крухмалу ці бульбяной мукі,
  • каля 1/2 шклянкі пшанічнай мукі.

Як гатаваць:

  1. Пакладзіце тварог у міску з яйкам і дробкай солі (і цукрам, калі дадаяце) і старанна разамніце яго, каб не было камякоў. Таксама можна пракруціць тварог (без яйка) на мясарубцы. Для лянівых варэнікаў часам выкарыстоўваюць сметанковы сыр тыпу рыкоты — яго здрабняць не трэба, можна адразу змешваць з яйкам.
  2. Пасыпце дошку пшанічнай мукой (прыкладна 1-2 сталовыя лыжкі), выкладзіце на яе тварог з яйкам, зверху прасейце бульбяную муку і астатнюю пшанічную.
  3. Змяшайце інгрэдыенты ў шар. Падзяліце яго на дзве часткі і зрабіце з кожнай рулет, пры неабходнасці падпыліце мукой. Потым разрэжце кожны рулет наўскос на кавалачкі.
  4. Закіпяціце падсоленую ваду ў вялікім рондалі, дадайце будучыя варэнікі і варыце некалькі секунд пасля таго, як яны ўсплывуць на паверхню.
  5. Даставайце з вады шумоўкай.

Чым разнастаіць?

Салодкія варэнікі падаюць з варэннем, ягадамі і смятанай, салёныя — з падсмажанай цыбуляй і мясам.

Нейтральны варыянт — з паніровачнымі сухарамі. Для гэтага трэба насыпаць на патэльню некалькі сталовых лыжак паніровачных сухароў і, памешваючы, злёгку падсмажыць. Потым дадаць крыху масла і растапіць яго, увесь час памешваючы. Крыху абсмажце і здымайце з агню.

 

Чытайце яшчэ:

Рэцэпт варэнікаў, незвычайных за кошт свайго цеста

Ідэя на сняданак: макавыя сырнікі ў духоўцы

«Я беларус і ненавіджу дранікі»

Каментары5

  • Великий Нехочуха
    21.05.2023
    "Калі ў назве стравы ёсць слова «лянівы», цяжкасцяў з гатаваннем не будзе"

    ага. канечне-яечне... 

    "Пакладзіце .. і старанна разамніце яго, каб не было камякоў. Таксама можна пракруціць .. на мясарубцы. 
    Пасыпце .. выкладзіце на яе .. зверху прасейце .. Змяшайце інгрэдыенты ў шар. Падзяліце яго на дзве часткі і зрабіце з кожнай рулет, .. Потым разрэжце кожны рулет наўскос на кавалачкі. .. Закіпяціце падсоленую ваду ў вялікім рондалі, дадайце будучыя варэнікі і варыце некалькі секунд пасля таго, як яны ўсплывуць на паверхню. Даставайце з вады шумоўкай"

    а гэта вось усё што - не цяжка? яно што - само ўсё робіцца?
  • Нехочуха
    21.05.2023
    ну чаму? даволі смачна. але вось, каб хто прыгатаваў... а-то ляніва
  • Mr
    21.05.2023
    U nas heta syrnikami nazyvajuć, a nie varenikami.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА4

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць66

Сяргей Ціханоўскі абурыўся беларускай мовай Святланы Ціханоўскай90

Пастаўкі беларускага бензіну ў Расію дасягнулі рэкорднага ўзроўню4

«Знайшлі тэлефон, праз 9 дзён — заплечнік». У Германіі больш за месяц шукаюць 38‑гадовага беларуса

У амерыканскім заапарку вядомая на ўвесь свет бегемоціха з'ела вязаную шапку2

У дзень візіту Пуціна Кітай увёў абмежаванні на пастаўкі ў Расію кампанентаў для «Шахедаў»6

Беларускі хлеб збіраюцца захоўваць па паўгода1

Ці можна перамагчы баршчэўнік воцатам і соллю?3

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць