Культура1313

Твор Уладзіміра Цэслера «Беларускі арнамент» атрымаў адмысловую адзнаку на Міжнародным біенале плаката ў Варшаве

Твор беларускага дызайнера Уладзіміра Цэслера быў удастоены ганаровай згадкі («honorable mention») на 28-м Міжнародным біенале плакатаў у Варшаве. Яго плакат пад назвай «Беларускі арнамент», на якім паказаны шматлікія патэрны з калючага дроту, быў адзначаны ў тэматычным конкурсе, як піша Reform.by.

Фота: фэйсбук Міжнароднага біенале плаката ў Варшаве.

Журы пракаментавала сваё рашэнне наступным чынам:

«Уладзімір Цэслер з Кіпра [атрымлівае ўзнагароду] за плакат «Беларускі арнамент» за, здавалася б, нявінную выяву традыцыйнага майстэрства, якая змяшчае трывожнае схаванае паведамленне».

Нагадаем, што Уладзімір Цэслер быў вымушаны з’ехаць з Беларусі ў 2020 годзе праз пагрозу пераследу. Майстэрня вядомага дызайнера ў тым жа годзе была разгромленая сілавікамі. Сёння мастак жыве на Кіпры, а яго творы выстаўляюцца па ўсім свеце.

Біенале плакатаў у Варшаве ладзіцца з 1966 года. Ідэя агляду такога кшталту, у цэнтры якога — мастацтва плаката, узнікла сярод польскіх графікаў і была непасрэдна ініцыявана Эрыкам Ліпіньскім. З 1990 года прафесар Лех Маеўскі (цяпер прэзідэнт Міжнароднага біенале плаката) займаецца фестывалем. Пасля 1994 года біенале праходзіў у Музеі плаката ў Вілянуве, каб у 2018 годзе нарэшце вярнуцца на радзіму — у Акадэмію прыгожых мастацтваў. Агляд плакатаў — адна з самых вядомых культурніцкіх падзей у Еўропе.

Цырымонія адкрыцця біенале адбылася 24 чэрвеня. Працаваць фестываль будзе да верасня 2023 года.

Урачыстае адкрыццё 28-га Міжнароднага біенале плаката ў Варшаве. Палац Чапскіх. Фота: Акадэмія прыгожых мастацтваў у Варшаве.

Каментары13

  • Bhagawan
    29.06.2023
    Nažal heta mastactva ŭ razdziele "čorny humar"
  • Цім
    29.06.2023
    Лука, Глядзі "зялёнарускі арнамент" :) 
  • дочка Максима Дизайнера
    29.06.2023
    все-таки г. Теслер гениальный цворец
    я было уже засомневалась в нем...

Цяпер чытаюць

Крымскі мост зруйнаваны ўдарам ракет «Фламінга»

Усе навіны →
Усе навіны

Як Джэнсэн Хуанг адкрыў Кітаю абводную дарогу да ўдзелу ў ШІ-гонцы5

У Гродне раварыст насмерць збіў пенсіянера2

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

Аляксандр Ярашук: Мяне бессэнсоўна ламаць — я не здраджу сваім прынцыпам і каштоўнасцям2

Беларус на юнацкай Алімпіядзе заваяваў бронзу ў брэйкінгу. Вось як яго сустрэлі дома2

У Малдове адмянілі канцэрт беларускага музыкі ДзіДзюЛі пасля зваротаў украінскіх дыпламатаў24

Пад Уроцлавам знайшлі магілу аднаго з пачынальнікаў Слуцкага паўстання. Пасля вайны ён схаваўся ў Сілезіі і выдаваў сябе за матэматыка са Львова2

ЕС уводзіць санкцыі супраць заснавальніцы Wildberries Таццяны Кім8

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны25

больш чытаных навін
больш лайканых навін

Крымскі мост зруйнаваны ўдарам ракет «Фламінга»22

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць