Свет11

Сёння прыкмет правакацый вагнераўцаў супраць Літвы няма, але ёсць спакуса іх зладзіць — Наўседа

Прэзідэнт Літвы Гітанас Наўседа заявіў, што на гэты момант інфармацыі аб магчымых правакацыях з боку дыслакаваных у Беларусі наймітаў ПВК «Вагнер» на мяжы з Літвой няма. Аднак, паводле слоў кіраўніка літоўскай дзяржавы, краіна гатовая да любых інцыдэнтаў, піша Delfi.lt.

Фота: Міністэрства абароны Беларусі

«Сёння такіх прыкмет няма, але прысутнасць групы «Вагнер» у непасрэднай блізкасці азначае, што гэтыя правакацыі могуць быць арганізаваныя як супраць Польшчы, так і супраць Літвы і Латвіі», — сказаў журналістам Гітанас Наўседа.

«Таму мы будзем сачыць за іх дзеяннямі, мы ўзмацнілі свае выведвальныя магчымасці, прысвечаныя гэтай праблеме, будзем сачыць за сітуацыяй і будзем гатовыя рэагаваць у выпадку неабходнасці», — падкрэсліў ён.

У той жа час Наўседа адзначыў, што пагроза правакацый для Літвы праз прысутнасць «Вагнера» ў Беларусі сур'ёзная.

«Занадта вялікая спакуса, знаходзячыся тут, ля нашай мяжы, не выкарыстаць сваю прысутнасць для розных правакацый», — заўважыў ён.

Гітанас Наўседа не стаў даваць ацэнку паведамленням польскіх палітыкаў аб магчымых намерах наймітаў «Вагнера» арганізаваць якія-небудзь правакацыі на літоўска-польскай мяжы. Аднак пры гэтым запэўніў, што армія ў выпадку неабходнасці гатовая адрэагаваць на любыя дзеянні, ініцыяваныя на мяжы:

«Я не бяруся ацэньваць рыторыку польскай улады і дзеянні інстытутаў. Мне важна, што нашы дзеянні ўжо даўно ўзгодненыя, яшчэ пасля 2014 года. Пасля абвяшчэння аб дыслакацыі групы «Вагнер» у Беларусі мы распачалі дадатковыя крокі, зацвердзілі новы план прыкрыцця мяжы».

Перад тым, 29 ліпеня, прэм'ер-міністр Польшчы Матэвуш Маравецкі падчас прэс-канферэнцыі заявіў, што ў Польшчы ёсць інфармацыя пра тое, што больш за 100 наймітаў групы «Вагнер» рушылі ў бок Сувалкскага калідора каля Гродна. Таму, як заявіў Маравецкі, сітуацыя становіцца ўсё больш небяспечнай.

Каментары1

  • Петя
    31.07.2023
    [Рэд. выдалена]

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Нявестка Ліліі Ананіч стала топ-менеджарам у БелТА — вярнулася на радзіму праз чатыры месяцы пасля эміграцыі ў Кітай24

Ва Украіне 14‑гадовая школьніца нарадзіла ад 60‑гадовага мужчыны. Яна кажа, што ён добры бацька, і прасіла не караць яго28

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць