Грамадства99

Вырасла колькасць выпадкаў хваробы Лайма пасля ўкусу кляшчоў. У якіх раёнах лютуюць кляшчы

Сёлета выпадкі хваробы Лайма назіраліся ў 79 раёнах, клешчавога энцэфаліту — у 31.

клешч энцэфаліт клещ

Станам на 1 жніўня зарэгістравана каля 100 выпадкаў клешчавога энцэфаліту і больш за 950 выпадкаў хваробы Лайма. Сёлета паказчыкі захворвання клешчавым энцэфалітам засталіся на ўзроўні мінулага года, а захворванняў хваробай Лайма стала болей у 1,4 разу, паведамляе Рэспубліканскі цэнтр гігіены, эпідэміялогіі і грамадскага здароўя.

Выпадкі клешчавога энцэфаліту зафіксавалі ў 31 раёне. У Смаргонскім і Валожынскім раёнах было па 2 выпадкі ў кожным, дзе інфекцыя трапіла харчовым шляхам пасля ўжывання казінага малака. У некалькіх раёнах Брэсцкай (4) і Гродзенскай (3) вобласці, на якіх размяшчаецца нацыянальны парк «Белавежская пушча», колькасць выпадкаў клешчавога энцэфаліту традыцыйна вышэйшая за сярэднерэспубліканскі ўзровень.

Выпадкі хваробы Лайма назіраліся ў 79 раёнах.

Станам на 1 жніўня ў арганізацыі аховы здароўя з нагоды ўкусу кляшча звярнулася каля 18 тысяч чалавек, у тым ліку больш за 5,5 тысячы дзяцей. Гэта на 6% ніжэй, чым за аналагічны перыяд 2022 года. Больш за ўсё зваротаў адзначана сярод жыхароў сталіцы і Гродзенскай вобласці, а найменшая колькасць тых, хто звярнуўся — у Мінскай і Гомельскай вобласці. Часцей кляшчоў «падбіралі» на дачных участках і ў сельскай мясцовасці (40,6%), а таксама пры наведванні тэрыторыі лесу (34,4%), радзей — на тэрыторыі жылой забудовы гарадоў (11,5%).

У цэлым колькасць кляшчоў засталася на ўзроўні мінулага года.

Самай эфектыўнай мерай прафілактыкі «клешчавых інфекцый» з'яўляецца прадухіленне кантакту з кляшчом, а ў выпадку ўкусу — хуткае і правільнае яго выдаленне са скуры, з апрацоўкай месца ўкусу спіртазмяшчальным сродкам.

Выкарыстоўвайце рэпеленты і кожную гадзіну, пры знаходжанні ў лесе, аглядайце сваю вопратку і адкрытыя ўчасткі цела для выяўлення і зняцця кляшчоў.

Ужывайце ў ежу казінае малако толькі пасля 2-3 хвілін кіпячэння.

Пры выяўленні кляшча, які прысмактаўся, яго неабходна зняць са скуры і як мага хутчэй звярнуцца да ўчастковага доктара (тэрапеўта, педыятра) або доктара-інфекцыяніста ў паліклініку па месцы жыхарства, які прызначыць прафілактычнае лячэнне і, пры неабходнасці, медыцынскае назіранне. Звярнуцца да доктара варта ў першыя 72 гадзіны пасля ўкусу.

Калі вы хочаце аднесці кляшча на даследаванне, то змясціце яго ў кантэйнер, які шчыльна закрываецца; можна пакласці кавалачак ваты (тканіны), змочанай вадой, або 1-2 травінкі. Захоўваць кантэйнер да адпраўкі ў лабараторыю неабходна ў халадзільніку.

Каментары9

  • Гэля
    13.08.2023
    А сколько не диагностированных, а сколько ПЦР-положительных, но нигде не учтенных, как я. Думаю, что цифры нужно умножать на 3, а то и 5.
  • хамса
    13.08.2023
    мяне сёлета ўпершыню ўкусіў клешч. прычым дасталі яго толькі на 5 дзень, бо не заўважала
    пакуль на вашу бяду яшчэ жыва)
  • хх
    13.08.2023
    "змясціце яго ў кантэйнер,"
    ужо пасля ўкусу выпадкова заўважыла ў магазіне - ёсць наборы для выдалення кляшча. там нейкая прылада і маленечкі (з каўпачок) кантэйнер. можа прыдасца каму

Цяпер чытаюць

Крымскі мост зруйнаваны ўдарам ракет «Фламінга»

Усе навіны →
Усе навіны

У Бабруйску мужчына перарабляў сігнальныя пісталеты ў баявыя1

Як Джэнсэн Хуанг адкрыў Кітаю абводную дарогу да ўдзелу ў ШІ-гонцы5

У Гродне раварыст насмерць збіў пенсіянера2

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

Аляксандр Ярашук: Мяне бессэнсоўна ламаць — я не здраджу сваім прынцыпам і каштоўнасцям2

Беларус на юнацкай Алімпіядзе заваяваў бронзу ў брэйкінгу. Вось як яго сустрэлі дома2

У Малдове адмянілі канцэрт беларускага музыкі ДзіДзюЛі пасля зваротаў украінскіх дыпламатаў24

Пад Уроцлавам знайшлі магілу аднаго з пачынальнікаў Слуцкага паўстання. Пасля вайны ён схаваўся ў Сілезіі і выдаваў сябе за матэматыка са Львова2

ЕС уводзіць санкцыі супраць заснавальніцы Wildberries Таццяны Кім8

больш чытаных навін
больш лайканых навін

Крымскі мост зруйнаваны ўдарам ракет «Фламінга»25

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць