Кіно22

У Мінску праходзяць здымкі серыяла пра расійскіх прапагандыстаў, куды шукалі двайнікоў Ціханоўскай і Лукашэнкі 

Шматсерыйны фільм атрымаў канчатковую назву «Новыя рускія СМІ». У ім таксама жадаюць паказаць версію беларускіх падзей 2020 года вачыма расійскіх Z-ваенкараў.

Кадры са здымак новага серыяла пра расійскіх прапагандыстаў у Мінску. Фота: «Мінская праўда»

Лукашэнкаўскі прапагандысцкі рэсурс «Мінская праўда» паведаміў аб правядзенні ў Мінску здымак новага васьмісерыйнага фільма пра расійскіх ваенкараў, які ў тым ліку будзе прысвечаны беларускім пратэстам 2020 года.

Міні-серыял пад назвай «Новыя рускія СМІ» заяўляецца аўтарамі як «мастацкі фільм, заснаваны на рэальных падзеях». У ім бяруць удзел беларуская масоўка і маладыя расійскія акцёры Ганна Папова і Пётр Рыкаў.

«Сюжэт пабудаваны на рэальных драматычных падзеях, якія накрылі не толькі постсавецкую прастору, але і краіны Еўропы, Блізкага Усходу і Афрыкі. У яго аснове ляжыць праца расійскіх спецыяльных карэспандэнтаў у зоне канфліктаў за мяжой.

У кінастужку таксама ўвойдуць вострыя падзеі 2020 года ў Беларусі», — піша «Мінская праўда».

Таксама паведамляецца, што над сцэнаром гэтага серыяла актыўна працаваў вядомы пракрамлёўскі прапагандыст і пісьменнік Андрэй Канстанцінаў, аўтар кнігі «Бандыцкі Пецярбург», які на фоне расійскага ваеннага ўварвання ва Украіну заклікаў масава знішчаць украінскіх грамадзян і іх дзяцей, бо «яны пераўтварыліся ў дзярмо і ўвогуле не з’яўляюцца людзьмі».

Нагадаем, што раней назва новага прапагандысцкага серыяла была проста «СМІ» і для ўдзелу ў яго здымках шукалі акцёраў, вельмі падобных да Святланы Ціханоўскай і Аляксандра Лукашэнкі (з гэтымі двайнікамі хацелі зрабіць толькі «ігравыя фота» для выкарыстання ў кінастужцы).

Прычым ганарар за ролю Ціханоўскай прапаноўвалі меншы.

Абвесткі на пошук двайнікоў Лукашэнкі і Ціханоўскай. Фота: Расійскае кастынгавае агенцтва SECOND UNIT ва «УКантакце»

Раней у масоўку гэтага кастынгавага агенцтва шукалі мужчын 20-40 гадоў, якія мусілі выканаць ролю «памежнікаў Беларусі», а таксама мужчын і жанчын ва ўзросце ад 20 да 50 гадоў, якія мусілі сыграць тых, «хто перасякае мяжу». Стаўка была ўсяго 1500-2000 расійскіх рублёў (каля 50-70 беларускіх).

Таксама ў канцы жніўня незалежныя журналісты заўважылі ў сацыяльных сетках і іншыя матэрыялы з падобных расійскіх здымак. Так, з’явіліся відэа з масоўкай пратэстоўцаў, якія бегалі з транспарантамі па дыпламатычным квартале ў раёне вуліцы Захарава. Мяркуючы са сторыз акцёраў з розных здымачных пляцовак, там фігуравалі змененыя назвы сапраўдных польскіх тэлеканалаў «Белсат» і TVPinfo — яны на здымках мелі назвы Velcaт і TWPInfo.

«Наша Нiва» — бастыён беларушчыны

ПАДТРЫМАЦЬ

Каментары2

  • даведка
    28.09.2023
    У нас самый похожий во всём двойник Лукашенко — зампред госконцерна «Белгоспищепром» Анатолий Уласевич.
  • mikola
    28.09.2023
    Ja za dobrae praudzivae Kino ! Malaicy !

Цяпер чытаюць

Крымскі мост зруйнаваны ўдарам ракет «Фламінга»

Усе навіны →
Усе навіны

У Бабруйску мужчына перарабляў сігнальныя пісталеты ў баявыя1

Як Джэнсэн Хуанг адкрыў Кітаю абводную дарогу да ўдзелу ў ШІ-гонцы5

У Гродне раварыст насмерць збіў пенсіянера2

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

Аляксандр Ярашук: Мяне бессэнсоўна ламаць — я не здраджу сваім прынцыпам і каштоўнасцям2

Беларус на юнацкай Алімпіядзе заваяваў бронзу ў брэйкінгу. Вось як яго сустрэлі дома2

У Малдове адмянілі канцэрт беларускага музыкі ДзіДзюЛі пасля зваротаў украінскіх дыпламатаў24

Пад Уроцлавам знайшлі магілу аднаго з пачынальнікаў Слуцкага паўстання. Пасля вайны ён схаваўся ў Сілезіі і выдаваў сябе за матэматыка са Львова2

ЕС уводзіць санкцыі супраць заснавальніцы Wildberries Таццяны Кім8

больш чытаных навін
больш лайканых навін

Крымскі мост зруйнаваны ўдарам ракет «Фламінга»23

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць