Эканоміка11

Пазаўчора быў апошні дзень аплаты маёмасных падаткаў. Што будзе, калі не заплаціў?

У лістападзе беларусы плацяць маёмасныя падаткі: на нерухомасць, зямлю і транспарт. Прычым разлічыцца трэба было 15 лістапада ўключна.

Фота: «Наша Ніва»

Напрыклад, падатак налічылі тым, хто валодае жылымі дамамі, кватэрамі, садовымі дамкамі. Як і ў выпадку з зямельным падаткам, вызваляюцца ад аплаты шматдзетныя сем'і, пенсіянеры, інваліды I і II груп і некаторыя іншыя катэгорыі грамадзян. Але ёсць нюанс: напрыклад, калі ў шматдзетнай сям'і камусьці з дзяцей ужо споўнілася 18 гадоў, то льготы не будзе. Інваліды і пенсіянеры маюць права на льготу толькі ў дачыненні да адной кватэры.

Транспартны падатак плацяць тыя, каму належаць зарэгістраваныя ў ДАІ аўтамабілі, матацыклы і іншыя віды транспартных сродкаў, якія былі выпушчаныя пасля 1992 года. Да 2025 года не плацяць падатку ўладальнікі электрамабіляў. Пенсіянеры, інваліды I і II груп і шматдзетныя плацяць толькі 50% падатку, а інваліды III групы маюць зніжку ў памеры 25%. Але толькі пры ўмове, што ў іх ёсць дзейныя правы кіроўцы.

Сума падатку залежыць ад дазволенай максімальнай масы аўтамабіля. 

Але што рабіць, калі вы не заплацілі, або не паспелі заплаціць?

Па-першае, за кожны дзень пратэрміноўкі цяпер налічваецца пеня. Яна залежыць ад стаўкі рэфінансавання Нацбанка, якая дзейнічае ў той час, пакуль вы не плаціце падатку, піша Office Life.

Па-другое, за нявыплату маёмасных падаткаў прадугледжаны штраф ад 0,5 да 10 базавых велічынь (ад 18,5 да 370 рублёў на гэты момант).

Па-трэцяе, злосныя неплацельшчыкі рызыкуюць дачакацца таго, што падатковая пачне спаганяць суму падатку прымусова. А ўжо служба прымусовага выканання можа спісаць гэтыя грошы з вашай карты, адправіць выканаўчы ліст на працу, каб грошы спісалі з заробку. Акрамя таго, у арсенале судовых выканаўцаў ёсць такія метады, як часовае абмежаванне на выезд за мяжу, часовая забарона на кіраванне транспартным сродкам і г. д.

Каментары1

  • Падаткаплацельшчык
    17.11.2023
    Сваечасовы))) артыкул.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

«Страціў сына ў пажары і знік сам». Шукаюць беларуса, які знік амаль 40 гадоў таму3

Трамп заявіў еўрапейскім лідарам і Зяленскаму, што Пуцін імкнецца да міру6

Самая вядомая бегемоціха свету Фіёна памерла, з'еўшы вязаную шапку1

Расія нанесла новы масіраваны ракетны ўдар, у Кіеве пашкоджаныя тры масты1

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць