Эканоміка11

Як за пяць гадоў змянілася камуналка ў адной беларускай кватэры

BAR24 параўнаў рэальныя жыроўкі адной баранавіцкай кватэры за снежань 2018 года і снежань 2023 года.

На працягу апошніх дзесяці гадоў камуналка ў Беларусі даражэла ў сярэднім на 5 долараў штогод. Такая сума была ўстаноўлена на заканадаўчым узроўні. «У мэтах удасканалення парадку рэгулявання тарыфаў на ЖКГ, а таксама дзяржаўнай падтрымкі насельніцтва». Так гаворыцца ў афіцыйным дакуменце.

Улетку 2023 года рост коштаў на камуналку адвязалі ад звыклых 5 долараў. І прывязалі да базавай велічыні. З гэтага часу разава павышаць цэны на паслугі ЖКГ дазваляецца не больш як на 0,5 базавай (18,5 рубля). Калі б усё засталося, як раней, разавае павышэнне складала б менш за 16 рублёў (па курсе Нацбанка).

Здавалася б, што такое 5 долараў за год? Адзін раз у краму не сходзіш. Аднак, калі параўнаць кошты ў жыроўках, да прыкладу, за пяць гадоў, рост выходзіць істотны. 

Камуналка за пяць гадоў падаражэла ўдвая

Журналісты ўзялі жыроўкі з адной і той жа баранавіцкай кватэры, атрыманыя ў снежні 2018 і 2023 года (гл. фота). І параўналі кошты на камунальныя паслугі.

Жыроўка з баранавіцкай кватэры, атрыманая ў снежні 2018 года. Фота: bar24

Адразу адзначым, што за гэтыя пяць гадоў у кватэры адбыліся некаторыя змены. У прыватнасці, стала на аднаго зарэгістраванага чалавека больш. Крыху павялічылася спажыванне вады. І змяніўся парадак разліку за некаторыя паслугі. Напрыклад, тэхабслугоўванне ліфта сталі лічыць не па колькасці прапісаных у кватэры чалавек, а па квадратных метрах плошчы. Таму пры параўнанні зважалі менавіта на тарыфы, а не на выніковы кошт кожнай паслугі.

Больш за ўсё за апошнія пяць гадоў у гэтай кватэры выраслі расцэнкі на капрамонт. Тарыф за гэты час павялічыўся больш як у два разы.

Жыроўка з той жа кватэры ў снежні 2023 года. Фота: bar24

Амаль удвая вырас тарыф на паслугі водаадвядзення ці каналізацыі. 

Расцэнкі на ацяпленне, падагрэў вады і вываз смецця павялічыліся за пяць гадоў у сярэднім у паўтара раза.

Менш за ўсё за гэты час выраслі кошты на тэхнічнае абслугоўванне жылога памяшкання — прыкладна на траціну.

У выніку за пяць гадоў жыроўка ў адной і той жа кватэры падаражэла ў 1,9 раза. Афіцыйны заробак у Баранавічах за гэты час вырас з 887 (кастрычнік 2018 года) да 1631,7 рубля (кастрычнік 2023-га). Або ў 1,8 раза.

Каментары1

  • Гіпапатамянё
    21.12.2023
    Цудоўна,
    узрост цэнаў у два разы за 5 гадоў дае нам сярэднегадавую інфляцыю ў 19%. 

    А я кая там афіцыйная інфляцыя, нагадайце-ка? :)

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Колькі зарабляюць кур'еры на аўто ў дастаўцы «Яндэкс» у Беларусі4

«Страціў сына ў пажары і знік сам». Шукаюць беларуса, які знік амаль 40 гадоў таму3

Трамп заявіў еўрапейскім лідарам і Зяленскаму, што Пуцін імкнецца да міру6

Самая вядомая бегемоціха свету Фіёна памерла, з'еўшы вязаную шапку1

Расія нанесла новы масіраваны ракетны ўдар, у Кіеве пашкоджаныя тры масты1

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць