Здарэнні55

«Адчайна змагаўся кіпцюрамі за жыццё». У Вільні кацяня тры дні правяло ў рэанімацыі пасля таго, як 20 хвілін было ў пральнай машыне

Гаспадыня не заўважыла, як Томас забраўся туды і ўключыла машыну.

Ілюстрацыйнае фота. Julian Stratenschulte/dpa (Photo by Julian Stratenschulte/picture alliance via Getty Images

У Вільні кацяня Томас, якому няма і года, правёў у пральнай машыне 20 хвілін. Пасля гэтага жывёла тры дні знаходзілася ў рэанімацыі, піша Delfi.lt.

Гаспадыня не заўважыла, што кацяня забралася ў пралку, яго там знайшлі толькі праз 20 хвілін. «Я пайшоў у ванную, каб вымыць рукі. Я пачуў «мяў-мяў», я нават не падумаў, што кот можа быць у пралцы. Думаў, такі гук ад бялізны. Потым гэтыя гукі мяне напалохалі», — распавёў гаспадар ката Яўген Сянкевіч.

Тут ён убачыў за шклом у пралцы ката: «Ён выглядаў жудасна, вочы збялелі, напэўна, ён ужо быў у іншым свеце. Я не ведаю, як ён прыйшоў у сябе, мабыць, ён у нас касманаўт. 20 хвілін цярпеў пакуты».

Калі ката дасталі з пралкі, ён быў у цяжкім стане, гаспадары павезлі яго ў клініку.

«Ніякай надзеі не было. Усё залежала ад ката, ці захоча ён жыць з такімі гаспадарамі, як мы», — сказаў гаспадар ката.

«Кот знаходзіўся ў шокавым стане, у яго быў нізкі ціск, моцна панізілася тэмпература цела», — сказала доктарка Ірына Гераскіна. Тэмпература цельца была на 6 градусаў ніжэй звычайнай — 33 градусы. Парашок раз'еў рагавіцу. На шчасце, вада не трапіла ў органы дыхання.

«Мабыць, кату ўдалося пазбегнуць траплення вады, па кіпцюрах відаць, што ён змагаўся за жыццё. Ён наглытаўся вады», — распавяла ветэрынар.

Дактары зрабілі ўсё магчымае, і кот адправіўся дадому.

«Я палюбіў гэтага ката, як дзіця, ён мне — як сын. Гэта сімвал жыцця. Ён быў мне блізкі, таму вельмі балюча, што такое здарылася», — сказаў Сянкевіч.

«Кацяня малое, хуліганіць», — заўважыла Гераскіна.

Работнікі клінікі распавялі, што ім кожны год прывозяць катоў, якія пабывалі ў пральнай машыне. Бываюць і тыя, хто трапіў у сушылку. На жаль, не ва ўсіх выпадках жывёл удавалася выратаваць.

Каментары5

  • Дзяржпрыёмка
    28.02.2024
    ХХІ стагоддзе, а тут такая леварукасць распрацоўшчыкаў і прамысловасці. Абавязаць усіх вытворцаў з 25 году усталёўваць у пралкі тэмпературныя сэнсары. Пры вышэй за 30° у барабане – машына не ўключыцца. Не дорага, не цяжка і гуманна!
  • мяў
    28.02.2024
    Дзяржпрыёмка, што за бздура? а калі ў хаце тэмпература больш за 30°? гаспадары, тым больш для якіх "як дзіця, ён мне — як сын" ці не мусяць сачыць за сваімі катамі? вядома, што каты любяць забірацца ў розныя скрыні і т.п. гаспадары катоў не ведаюць гэта? і не правяраюць машынку, перш, чым уключыць яе? ну што ж...
  • mikola
    28.02.2024
    Idyot!

Цяпер чытаюць

Від на Каложскую царкву безнадзейна сапсаваны36

Від на Каложскую царкву безнадзейна сапсаваны

Усе навіны →
Усе навіны

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям58

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

больш чытаных навін
больш лайканых навін

Від на Каложскую царкву безнадзейна сапсаваны36

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць