Грамадства1111

Ціханоўская сустрэлася з прэм'ерам Балгарыі

Падчас працоўнага візіту ў Сафію беларуская дэмакратычная лідарка сустрэлася з прэм’ер-міністрам Балгарыі Нікалаем Дэнкавым, які выказаў спадзяванне на шчыльнае супрацоўніцтва паміж краінай і дэмакратычнымі сіламі Беларусі.

Святкана Ціханоўская і Мікалай Дэнкаў. Фота: ОСЦ

Адна з ключавых мэтаў візіту — аднавіць адносіны, якія зруйнаваў рэжым Лукашэнкі. Святлана Ціханоўская запрасіла Балгарыю далучыцца да групы сяброў Беларусі ў АБСЕ, а таксама падтрымаць працу Кантактнай групы ў Радзе Еўропы, паведамляе яе прэс-служба.

Апорнай тэмай дыялогу стала пагроза незалежнасці Беларусі з боку Расіі і саўдзел рэжыму ў вайне. Бакі абмеркавалі шляхі прыцягнення рэжыму да адказнасці: лідарка распавяла, што каманда НАУ сабрала доказы, неабходныя для пачатку расследавання. Яны былі перададзеныя ў ААН на мінулым тыдні.

Асаблівую ўвагу Святлана Ціханоўская надала палітвязням — і падкрэсліла: неабходныя тэрміновыя крокі па іх вызваленні, асабліва тых, хто знаходзіцца ў гуманітарным спісе і ў рэжыме інкамунікада (інфармацыйная ізаляцыя).

Так супала, што ўчора Мікалай Дэнкаў падаў заяву аб адстаўцы ўрада ў адпаведнасці з дамоўленасцю двух найбуйнейшых парламенцкіх блокаў, паміж якімі ў апошнія тыдні з'явіліся ўсё больш прыкметныя рознагалоссі.

Ратацыя ўрада Дэнкава — частка дамоўленасці паміж блокамі ГЕРБ (Грамадзяне за еўрапейскае развіццё Балгарыі) і «Працягваем змены — Дэмакратычная Балгарыя» («ПІ-ДБ»), дасягнутых у чэрвені 2023 года пасля пятых за некалькі гадоў датэрміновых выбараў, якія паглыблялі палітычны крызіс у краіне.

Урад прадстаўніка «ПІ-ДБ» Дэнкава, паводле дамоўленасці, павінен быў прапрацаваць дзевяць месяцаў, пасля чаго ён павінен быў перадаць сваю пасаду віцэ-прэм'еру і міністру замежных спраў Марыі Габрыэль, якую намінаваў ГЕРБ, а сам — узначаліць Міністэрства адукацыі.

Але ў апошнія месяцы ў балгарскіх СМІ пастаянна пачалі з'яўляцца спекуляцыі на тэму ратацыі ўрадаў, а супярэчнасці паміж абедзвюма палітычнымі сіламі нарасталі.

Тым не менш галасаванне за адстаўку цяперашняга ўрада і прызначэнне новага ў парламенце Балгарыі павінна адбыцца да канца гэтага тыдня.

Каментары11

  • Чорная ўдава
    06.03.2024
    :), і праўда што. Адна карысць, калі можна так сказаць, ад сустрэч Ціханоўскай з палітыкамі - гэта тое, што яны ў хуткім часе пасля сустрэчы з ёй страчваюць свае пасады.
  • охо
    06.03.2024
    Чорная ўдава, яны на "падаючым сцяжку" сустракаюцца з Святланай як за апошняй інстанцыяй, каб яна дапамагла захаваць пасаду. Але тая лічыць, што ўсё павінна быць па волі народа і закону, таму не ўмешваецца ;)
  • Петя
    06.03.2024
    Думаю теперь всем понятно, почему Зеленский не хочет встречаться с Тихоновской

Цяпер чытаюць

Від на Каложскую царкву безнадзейна сапсаваны36

Від на Каложскую царкву безнадзейна сапсаваны

Усе навіны →
Усе навіны

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям58

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

больш чытаных навін
больш лайканых навін

Від на Каложскую царкву безнадзейна сапсаваны36

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць