Грамадства2626

Блок Ягорава святкуе перамогу: большасць дэлегатаў КР не падтрымлівае лідарства Ціханоўскай. Сапраўды так?

Калі лічыць 15% большасцю — то ўсё правільна.

Андрэй Ягораў

Па апазіцыйных колах працягвае разносіцца рэха канферэнцыі «Новая Беларусь», падчас якой было абвешчана, што Святлана Ціханоўская будзе мець паўнамоцтвы нацыянальнага лідара да моманту правядзення сумленных і свабодных выбараў.

Што высветлілася ў папярэдніх серыях? Спачатку Андрэй Ягораў, Вадзім Пракоп’еў і Аляксандр Кныровіч выступілі супраць гэтага бестэрміновага статуса Ціханоўскай. Пасля стала вядома, што Ягораў сам удзельнічаў у распрацоўцы дакумента, які зацвярджаў статус Ціханоўскай, але не звярнуў увагу на фармулёўку. Далей блок Ягорава-Пракоп’ева заклікаў дэлегатаў Каардынацыйнай рады выказаць сваё меркаванне на ўнутраным галасаванні — хоць ніякай юрыдычнай сілы такое апытанне не мае.

І вось 19 жніўня блок Ягорава-Пракоп’ева нарэшце абвесціў: «Большасць дэлегатаў КР, якія прагаласавалі, не падтрымліваюць бестэрміновасць паўнамоцтваў Ціханоўскай». На апублікаваным скрыншоце відаць, што на кнопку «не падтрымліваю» націснула 44% удзельнікаў галасавання — і гэта насамрэч самы папулярны адказ.

Але колькі чалавек прагаласавала? На распаўсюджаных скрыншотах лічба акуратна абрэзаная.

Як аказалася, у галасаванні прынялі ўдзел 23 дэлегаты, а таксама 4 чалавекі з сакратарыяту (работнікам сакратарыяту трэба бачыць агульныя вынікі, але права голасу яны не маюць). А агулам у КР 80 дэлегатаў. 

Такім чынам, удзел у апытанцы ўзялі толькі 29% дэлегатаў КР, 71% дэлегатаў вырашыў не галасаваць.

У выніку супраць паўнамоцтваў Ціханоўскай выказаліся 12 чалавек — гэта роўна 15% ад агульнай колькасці сяброў КР. Адметна, што «супраць» прагаласавалі нават не ўсе прадстаўнікі блока Пракоп'ева-Ягорава.

Каментары26

  • Satan
    19.08.2024
    Дык вот куды Ярмошына ізшчэзла... яна курсы выбараў прэпадае для блока Ягорава.
  • Віленчук
    19.08.2024
    У Ягорава тэлеграм на расейскай мове. Мне здаецца, што тут ўсё зразумела.
  • Беларус
    19.08.2024
    Не дарма ж два тыдні таму Ягораў прапаноўваў легітымізаваць дыктатара Лукашэнку. А цяпер вось вырашыў яшчэ пераняць і метады лукашысцкага ЦВК, выдаўшы 15% за большасць. Усё як у Лукашэнкі, у таго таксама малююць большасць у выглядзе 80%. Вось такія ягоравы-пракоп’явы-краўцовы проста сямімільнымі крокамі ідуць у бок лукашысцкага саўгаса.

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка5

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Акцёра Дэпардзьё і пісьменніка Уэльбека абвінавачвае ў сэксуальным гвалце акцёрка з фільма «Спа»3

Падчас смяротнага пакарання ў Тэхасе, якое доўжылася больш за гадзіну, асуджаны крычаў ад болю6

Беларусы масава шукаюць у Google «ваеннаабавязаны». У чым прычына?

Расія атакавала балістычнымі ракетамі цэнтр Крывога Рога: загінулі фельчарка і дзіця, 58 чалавек параненыя1

Жанчыны пад Маладзечнам стварылі падпольную каталіцкую грамаду — і перажылі СССР8

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка5

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць