Грамадства3333

«Растлумачце мне, дзе зайчыкі і сняжынкі?» Тата з Брэста абурыўся адзеннем чужых дзяцей на ранішніку

Бацька павёў сваю маленькую дачку на ранішнік у Брэсцкі тэатр лялек. Здаецца, прэтэнзій да забаўляльнай праграмы мужчына не мае. А вось адзенне іншых дзяцей яго абурыла.

Скрыншот відэа ў тыктоку

Мужчына выклаў у тыкток відэа з танцамі ля навагодняй ялінкі. Здавалася, што магло пайсці не так? Але нагода для незадаволенасці знайшлася:

— Вы дзіця ў гульнявы пакой прывялі ці на ёлку? Калі дзіця адно ў навагодняй сукенцы! (мужчына мае на ўвазе тое, што яго дачка на фоне астатніх дзяцей адзетая больш святочна. — «НН»). Растлумачце мне, калі ласка, дзе зайчыкі, лісічкі, сняжынкі? Што адбываецца? — напісаў аўтар роліка на відэа.

Бачна, што большасць дзяцей прышлі на ранішнік у звычайным адзенні — штанах ды швэдары. Дачка ж мужчыны адзетая ў пышную сукенку.

@lazukoalexander #елка #елкановогодняя #утренник #новыйгод #дети ♬ оригинальный звук - Лазуко Александр

За тры дні відэа набрала больш за 200 тысяч праглядаў і 11 тысяч лайкаў. А ў каментарыях пачалася дыскусія. Адны падтрымалі аўтара роліка: «Калі ўсё ў прыбраных касцюмах, сукенках — гэта асаблівы настрой, атмасфера. Бо цікава не толькі самому прыбрацца, але і на іншых паглядзець. Проста бацькам лянота стала выдумляць нешта».

Другія не бачаць сэнсу ў «пафасе на адну гадзіну»: «Іншыя бацькі проста спыталі ў дзяцей, у чым яны хочуць пайсці. Мне ў дзяцінстве куды больш хацелася пайсці ў зручнай вопратцы, а не ў пышнай сукенцы, абы як прынцэса».

Трэція пачалі вінаваціць школу ў тым, што знікла аднолькавая школьная форма: «Бацькі пакалення без формы ў школе. І яны паняцця не маюць, што, куды і як апранаць на сябе, не тое, што на дзяцей».

Нехта падышоў і з пункту гледжання фінансаў: «У некаторых стаіць выбар аплаціць ёлку ці касцюм. Не заракайцеся».

Адна з каментатарак пажартавала: «Самі ж нядаўна асуджалі квадробераў, вось і няма цяпер лісічак і зайчыкаў».

Каментары33

  • Огонек
    19.12.2024
    Папе, видимо, больше нет за счет чего самоутвердиться
  • елка
    19.12.2024
    а тата дзяўчынкі ззаду ў ружовай піжаме?
  • Панядзелак
    19.12.2024
    Калі павазбухаць хочацца, а пра палітыку нельга, заўсёды ёсць чужыя дзеці на ранішніку.

Цяпер чытаюць

Від на Каложскую царкву безнадзейна сапсаваны36

Від на Каложскую царкву безнадзейна сапсаваны

Усе навіны →
Усе навіны

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой58

больш чытаных навін
больш лайканых навін

Від на Каложскую царкву безнадзейна сапсаваны36

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць