Культура55

Памёр гісторык архітэктуры Уладзімір Трацэўскі

Навуковец прысвяціў сябе вывучэнню беларускага народнага дойлідства і ўдзельнічаў у аднаўленні Любчанскага замка і Мінскай мячэці.

Уладзімір Трацэўскі. Фота: тэлеграм-канал «Спадчына»

Пра смерць паведаміў тэлеграм-канал «Спадчына». Паводле яго інфармацыі, 88-гадовы архітэктар памёр на мінулым тыдні, развітанне адбылося 17 студзеня ў зале крэматорыя на Паўночных могілках Мінска.

Уладзімір Васілевіч Трацэўскі нарадзіўся ў 1936 годзе ў гарадскім пасёлку Парычы Светлагорскага раёна. Скончыў у 1964 годзе Беларускі політэхнічны інстытут.

Пасля працаваў у Белдзяржпраекце, дзе запраектаваў Міжнародны моладзевы цэнтр «Юнацтва» на Заслаўскім вадасховішчы, жылыя дамы ў Мінску і іншых гарадах, комплекс будынкаў па цяперашнім праспекце Пераможцаў — Дом тэхнічнай інфармацыі, Дом кнігі і Белкаапсаюза.

Шмат гадоў, з 1969 па 2017, выкладаў на архітэктурным факультэце БНТУ, у тым ліку гісторыю беларускай архітэктуры. У 2000 годзе атрымаў званне прафесара. 

«Гісторыя архітэктуры народнага жылля Беларусі». 1989

Народнаму дойлідству Беларусі прысвечаны многія яго работы, у тым ліку фундаментальная «Гісторыя архітэктуры народнага жылля Беларусі» (1989).

Асновай працы з’явіліся матэрыялы, сабраныя даследчыкам у 1968—1987 гадах у экспедыцыях. Трацэўскі апрацаваў багатыя архіўныя матэрыялы, абследаваў 116 раёнаў краіны, вывучыў больш за 3000 аб’ектаў, уласна рабіў абмеры, замалёўкі, фотаздымкі. 

У 1993 годзе ў пецярбургскім Інстытуце імя Рэпіна абараніў кандыдацкую дысертацыю «Народнае драўлянае жыллё Беларусі XVIII — XX стст. (генезіс, эвалюцыя, нацыянальныя асаблівасці)». 

Быў сябрам прэзідыума Беларускага таварыства аховы помнікаў гісторыі і культуры. Распрацаваў праекты рэстаўрацыі касцёлаў у Варончы, Дараве, Бабруйску, Сёмкавым Гарадку, Воўчыне, царквы ў Вялікай Ліпе, сядзібнага комплексу ў Высокай Ліпе і інш.

Рэнесансныя купалы Любчанскага замка і мячэць у Мінску, пабудаваная па падабенстве гістарычнай

Як піша канал, у апошнія дзесяцігоддзі Трацэўскі дапамагаў як навуковы кансультант пры аднаўленні Любчанскага замка, запраектаваўшы рэнесансныя купалы для вежаў. А ў Мінску пры яго ўдзеле пабудавана Саборная мячэць, якая па ўпартым патрабаванні архітэктара з'яўляецца копіяй знішчанай мінскай мячэці XIX стагоддзя.

Каментары5

  • маленькая архітэктарка цемры
    23.01.2025
    а навошта было аднаўляць мячэць?
  • .
    23.01.2025
    Беларускія татары пажадалі аднавіць. У 1997-м, у 600-годдзе пасялення татар-мусульман на землях ВКЛ.
  • CV
    23.01.2025
    маленькая архітэктарка цемры, мусульманам трэба было недзе маліцца

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка5

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Акцёра Дэпардзьё і пісьменніка Уэльбека абвінавачвае ў сэксуальным гвалце акцёрка з фільма «Спа»3

Падчас смяротнага пакарання ў Тэхасе, якое доўжылася больш за гадзіну, асуджаны крычаў ад болю6

Беларусы масава шукаюць у Google «ваеннаабавязаны». У чым прычына?

Расія атакавала балістычнымі ракетамі цэнтр Крывога Рога: загінулі фельчарка і дзіця, 58 чалавек параненыя1

Жанчыны пад Маладзечнам стварылі падпольную каталіцкую грамаду — і перажылі СССР8

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка5

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць