Грамадства157157

ЗША рыхтуюць здзелку з Лукашэнкам: вызваленне палітвязняў у абмен на санкцыі на калій і банкі

Намеснік памочніка дзяржсакратара ЗША па Еўропе Крыс Сміт сустракаўся ў Мінску з Аляксандрам Лукашэнкам і кіраўніком КДБ Іванам Церцелем і абмяркоўваў умовы здзелкі, піша The New York Times.

Фота: Gavriil Grigorov Sputnik Kremlin Pool Photo via AP

Вызваленне Аляксандрам Лукашэнкам на гэтым тыдні грамадзяніна ЗША і двух беларускіх палітвязняў можа стаць першым крокам да маштабнай угоды паміж Вашынгтонам і Мінскам. Пра гэта распавёў намеснік памочніка дзяржсакратара ЗША ў Еўропе Крыс Сміт на сустрэчы дыпламатаў у Вільні, паведамляе The New York Times.

Такім чынам Вашынгтон спрабуе дамагчыся ў тым ліку зніжэння ўплыву Масквы на Мінск, патлумачыў амерыканскі дыпламат.

Падчас візіту ён сустрэўся з Аляксандрам Лукашэнкам і кіраўніком беларускага КДБ Іванам Церцелем.

У рамках здзелкі, як распавёў Сміт у Вільні, Лукашэнка можа вызваліць мноства палітвязняў, у тым ліку шырока вядомых. Узамен ЗША аслабяць санкцыі супраць беларускіх банкаў і экспарту калійных угнаенняў.

Галоўнай мэтай ЗША Сміт назваў вызваленне большай колькасці палітвязняў. Яшчэ адна важная мэта — даць Лукашэнку «перадышку па-за арбітай Расіі», кажуць суразмоўцы журналістаў.

Сміт сказаў, што пытаўся ў Лукашэнкі, ці гатовы той згарнуць рэпрэсіі, і Лукашэнка адказаў станоўча.

Сміт курыраваў палітыку ЗША па Беларусі і пры мінулай амерыканскай адміністрацыі. Перамовы з саюзнікамі ЗША аб змякчэнні санкцый ён пачаў яшчэ летась.

На брыфінгу для заходніх дыпламатаў у Вільні Сміт таксама сказаў, што ў Лукашэнкі пры сустрэчы не было ніякіх прыкмет пагаршэння здароўя. Ён здаваўся ўпэўненым і цалкам кантралюючым сітуацыю, перадалі крыніцы газеты словы дыпламата.

Сам Сміт публічна не казаў, з кім сустракаўся і што абмяркоўваў. Дзярждэпартамэнт ЗША не адказаў на запыты газеты.

Каментары157

  • Пытанне да Міколы Бугая
    15.02.2025
    Якую роль мае ў працэсах Святлана Ціханоўская?
  • нк такі, як ёсць
    15.02.2025
    Што перашкодзіць набраць новых вязняў?
  • Proteus
    15.02.2025
    Што ты будзеш рабіць. 30 год адрывалі адрывалі, а ён пры кожнай магчымасьці здае краіну.

Цяпер чытаюць

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка14

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Усе навіны →
Усе навіны

На фронце знайшлі загінулым 25‑гадовага беларуса з пазыўным «Дэкан»6

Расія рэкорднымі тэмпамі прадае золата, а Польшча за апошнія гады купіла яго найбольш за ўсіх у Еўропе10

Заснавальнік партала Realt.by прадае дом за $3 мільёны9

Як выглядае элітны клубны квартал нулявых у Мінску2

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе28

У Мінску датэрмінова закрылі анімалістычную выставу. Прычына можа быць у асобных мастаках1

GTA 6 за адзін дзень пабіла рэкорды ўсіх часоў10

БАТЭ апусціўся на перадапошняе месца ў чэмпіянаце і можа ў наступную суботу вылецець з вышэйшай лігі6

Звязаныя з ФСБ хакеры пачалі новую серыю атак на журналістаў і палітыкаў па ўсім свеце

больш чытаных навін
больш лайканых навін

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка14

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Галоўнае
Усе навіны →

Заўвага:

 

 

 

 

Закрыць Паведаміць