Здароўе44

Што ўказвае на высокую рызыку суіцыду ў чалавека, які пра гэта кажа? Адказвае псіхіятр

У Беларусі ў 2021 годзе было здзейснена 1907 самагубстваў — добраахвотна пайшлі з жыцця 1550 мужчын і 357 жанчын. Саміх жа спробаў было каля 12800. «Наша Ніва» запыталася ў псіхіятаркі Ганны Савіцкай, як зразумець, калі чалавек рэальна вагаецца паміж жыццём і смерцю, а калі спрабуе маніпуляваць асяроддзем.

Суіцыдальныя намеры ў большасці выпадкаў бываюць амбівалентнымі (супярэчлівымі), а гатоўнасць да суіцыду можа змяняцца ад хвіліны да хвіліны, расказвае Ганна. Чалавек можа вагацца паміж жыццём і смерцю ў залежнасці ад падтрымкі, абставін і ўнутранага стану. Нават спецыяліст можа памыліцца ў прагнозе, таму рызыкоўна браць на сябе адказнасць ацэньваць —маніпуляцыя гэта ці не.

«Сапраўды, не ўсе, хто кажа пра суіцыд, хочуць памерці, але большасць адчуваюць рэальныя пакуты і маюць патрэбу ў дапамозе.

Калі мы дзелім людзей на «маніпулятараў» і «тых, хто сапраўды збіраецца памерці» — гэта робіць праблему больш павярхоўнай і можа прывесці да абясцэньвання пакут асобных людзей і знізіць магчымасць іх звароту па дапамогу, а таксама якраз падвысіць верагоднасць суіцыдальнай спробы», — кажа яна. 

З даследаванняў вядома, што каля 80% людзей, якія здзейснілі суіцыд, гаварылі пра гэта загадзя, адзначае псіхіятарка. Гэта значыць, што ўсе падобныя заявы заслугоўваюць увагі і сур’ёзнага стаўлення, кажа яна.

Калі ж адказваць на пытанне аб тым, што, акрамя выказванняў, можа ўказваць на высокую рызыку суіцыду, то можна пералічыць наступныя фактары:

  • частыя, канкрэтныя выказванні пра суіцыд;
  • наяўнасць плана (як, калі, якім спосабам);
  • доступ да магчымых сродкаў здзяйснення суіцыду (небяспечныя медыкаменты, зброя, вострыя прадметы);
  • суіцыдальныя спробы ў мінулым;
  • дэпрэсія, іншыя псіхічныя разлады;
  • пачуццё безнадзейнасці, страта блізкага чалавека ў недалёкім мінулым, іншыя крызісныя абставіны;
  • рэзкія змены ў паводзінах (напрыклад, раптоўны спакой пасля доўгага адчаю);
  • раздача рэчаў, развітальныя лісты;
  • злоўжыванне алкаголем, псіхаактыўнымі рэчывамі;
  • адзінота, сацыяльная ізаляцыя.

Якія дзеянні варта прадпрымаць у такім выпадку блізкім і людзям навокал?

  • ставіцца сур’ёзна, не ігнараваць нават «няпэўныя» заявы і тыя, якія здаюцца маніпулятыўнымі;
  • проста пытацца: «Ты сапраўды думаеш пра самагубства?» Не баяцца вымаўляць гэта слова ўслых (гэта якраз дапамагае адкрыцца і зняць напружанне, калі яно ёсць). Важна задаваць пытанні пра наяўнасць плана, высвятляць выбраны спосаб;
  • па магчымасці не пакідаць чалавека ў адзіноце, прапанаваць прафесійную дапамогу;
  • у сітуацыі, калі рызыка выглядае высокай, ці спроба ўжо ў працэсе, ці адбылася — выклікаць хуткую дапамогу і шпіталізаваць.

Калі вы ў Беларусі і адчуваеце сябе псіхалагічна дрэнна, памятайце, што ў краіне кругласуткава працуе рэспубліканская тэлефонная «гарачая лінія» па аказанні псіхалагічнай дапамогі. «Тэлефон даверу» для дарослых: 8 (017) 352-44-44, 8 (017) 304-43-70.

«Тэлефон даверу» для дзяцей і падлеткаў: 8 (017) 263-03-03.

У эміграцыі раім звяртацца ў профільныя арганізацыі па месцы жыхарства. Адзін з варыянтаў — служба «Адно акно».

Каментары4

  • цыкада
    18.03.2025
    Это шутка такая, звонить в Беларуси по горячей линии на телефон доверия?
  • Кровавый матриархат.
    18.03.2025
    Готовить не умеют 10 из 10-и знакомых. Декрет - 3 года, второй - еще 3. С 20-и лет уже "дай-дай", шубу, такси, отделльную жилплощадь, я - слабая, я - устала. Работа - "для души". Все мысли про заграницу. На форуме полковники с по 500 пишут, как хоршо решать бабские проблемы и много зарабатывать. У меня на глазах 20-и летняя молодуха под руку с офигевшим кавалером пританцовывала под "Пидминула пидвила". Колхоз Белоруссия.
  • Из Лондона
    18.03.2025
    Как посмотрю на эту электричку, так вздрогну. Визг, треск, грохот, уши закладывает, мозг пилит. Какие признаки склонности к суициду?Жизнь в сасуте и есть склонность к суициду. Посмотрите на лица на фото.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Трамп заявіў еўрапейскім лідарам і Зяленскаму, што Пуцін імкнецца да міру6

Самая вядомая бегемоціха свету Фіёна памерла, з'еўшы вязаную шапку1

Расія нанесла новы масіраваны ракетны ўдар, у Кіеве пашкоджаныя тры масты1

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»45

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць