Свет99

Праз палітыку ўладаў беларусы пакідаюць Грузію, прадаюць кватэры

«Палітычны крызіс у Грузіі ўдарыў і па беларусах. Многія з іх не бачаць перспектыў доўгатэрміновай легалізацыі, прадаюць набытыя тут кватэры і пераязджаюць у іншыя краіны», — так пракаментаваў «Позірку» брэсцкі праваабаронца Раман Кісляк, які пражывае ў Грузіі, зніжэнне колькасці суайчыннікаў у краіне, якое назіралася апошнія два гады, 2023-ы і 2024-ы.

Батумі. Фота: Getty Images

«2021-ы і 2022-ы былі гадамі найбольш масавага прыезду беларусаў у Грузію, — адзначыў Кісляк. — У 2021-м на фоне рэпрэсій у Беларусі, асабліва ў дачыненні да СМІ і грамадскіх арганізацый, было мала альтэрнатыў для выезду. Межы былі амаль на замку: неба закрыла Еўропа, наземную мяжу — Лукашэнка. У 2022 годзе пачалося поўнамаштабнае ўварванне Расіі ва Украіну, і гэта ўзмацніла плынь тых, хто выязджае».

Паводле яго слоў, на змяншэнне колькасці беларусаў, якія застаюцца ў Грузіі, уплывае перш за ўсё немагчымасць доўгатэрміновай легалізацыі: указ 278 ад 4 верасня 2023 года (немагчымасць абмяняць пратэрмінаваны пашпарт у замежных установах), адмовы беларусам у прытулку і ва ўездзе пры візаране (абнуленне тэрміну знаходжання, які не можа перавышаць аднаго года, шляхам кароткатэрміновага выезду за мяжу), вельмі слабыя перспектывы атрымання грамадзянства Грузіі. 

Цяпер грузінскі парламент, куды адмовілася ўвайсці апазіцыя, якая абвінаваціла кіруючую партыю «Грузінская мара» ў фальсіфікацыі выбараў у кастрычніку 2024 года, разглядае праект новага міграцыйнага заканадаўства.

Ён прадугледжвае палягчэнне працэдуры дэпартацыі, ускладненне працэдуры падачы дакументаў на міжнародную абарону, якую і без таго дагэтуль не атрымаў ні адзін грамадзянін Беларусі, які падаўся на яе. Улады не хаваюць, што папраўкі звязаныя з удзелам замежнікаў у акцыях пратэсту супраць яе палітыкі, перш за ўсё адыходу ад еўрапейскай інтэграцыі.

Праваабаронца паведаміў, што 18 красавіка прадстаўнікі дыяспары сустрэліся з супрацоўнікамі прававога дэпартамента ўпраўлення Вярхоўнага камісара ААН па справах уцекачоў у Грузіі. «Мы распавялі пра ўсе складанасці, з якімі сутыкаюцца беларусы пры падачы на прытулак і абскарджанні адмоў у міжнароднай абароне. Дамовіліся, што будзем інфармаваць аб сітуацыі з правам на прытулак у дачыненні да беларусаў у Грузіі», — сказаў Кісляк.

Каментары9

  • Прошьян
    03.05.2025
    [Рэд. выдалена]
  • Kub
    03.05.2025
    Лукашэнка - горш за Чарнобыль.
  • бабруйчанін
    03.05.2025
    5 год таму папереджал .Ні у якім выпадку ні абіраць Грузію Украіну Летуву...іньшыя балтыйскія пры

Цяпер чытаюць

19‑гадовы берасцеец Андрэй ліквідаваны пад Курдзюмаўкай8

19‑гадовы берасцеец Андрэй ліквідаваны пад Курдзюмаўкай

Усе навіны →
Усе навіны

Ці можна перамагчы баршчэўнік воцатам і соллю?3

Еўрапейскім грузаперавозчыкам дазволілі ездзіць па тэрыторыі Беларусі. Але толькі пры пэўных умовах

Mark Formelle аб'явіў пра маштабны рэбрэндынг7

«А пятай раніцы спаць ужо немагчыма». Мінчук паскардзіўся ў Мінгарвыканкам на сабачы брэх

З-пад Пінска на Валынь сёння заляцеў паветраны зонд. Украіна лічыць гэта наўмыснай аперацыяй1

У Гаазе прызналі М'янму вінаватай у генацыдзе народа рахінджа1

«Блішчыць як Swarovski». Беларускі палююць на танныя бранзалеты з царкоўных крам3

Беларусь пераплочвае за транзіт калію праз Расію сотні мільёнаў даляраў23

Ілан Маск: Трэба спачуваць не толькі ўкраінцам, але і расіянам34

больш чытаных навін
больш лайканых навін

19‑гадовы берасцеец Андрэй ліквідаваны пад Курдзюмаўкай8

19‑гадовы берасцеец Андрэй ліквідаваны пад Курдзюмаўкай

Галоўнае
Усе навіны →

Заўвага:

 

 

 

 

Закрыць Паведаміць