Грамадства

Памятаеце фота, як сцюардэса «Белавія» адпачывала ў турбіне самалёта? Дзяўчына распавяла яго гісторыю

Мемы з беларускай Вікторыяй Нікалаенка і па сёння гуляюць у інтэрнэце. Дзяўчына ўжо звольнілася з «Белавія». У Threads яна вырашыла распавесці гісторыю таго, як нечакана стала зоркай.

Тое самае фота

Вось што адбывалася ў той самы дзень: «Я вельмі стамілася ў стыковачным рэйсе (калі рэйс туды і назад два разы). Гэта быў мой другі рэйс, пасажыры былі ўжо на борце, я чакала багаж з іншага рэйса. У «Белавія» ёсць абавязак у бортправаднікоў сачыць за багажом. Ногі адвальваліся, пакуль я чакала чамаданы, вырашыла прысесці».

Вікторыя кажа, што па тэхніцы бяспекі каля турбіны часта ставяць конусы, каб пазбегнуць інцыдэнтаў. Але самалёт быў на стаянцы, і яна дакладна ведала, што рухавікі не ўключаць.

Адзін з мемаў

Нехта з пасажыраў у самалёце сфатаграфаваў стомленую дзяўчыну і выклаў у інтэрнэт. Потым гэты здымак апублікаваў рускамоўны забаўляльны сайт Pikabu — яго карыстальнікі пачалі генерыраваць мемы.

Далей тэму падхапілі і на розных англамоўных пляцоўках. Смела можна сказаць, што фота разышлося па ўсім свеце. І час ад часу зноў з’яўляецца недзе — тры гады таму, напрыклад, пра яго згадалі на Reddit.

Вікторыя кажа, што ёй перыядычна пішуць людзі, якія цікавяцца тым фота. Канечне, адно з самых папулярных пытанняў — ці пакаралі сцюардэсу за тое, што яна адпачывала ў турбіне. Таму што тэхніку бяспекі сцюардэса сапраўды парушыла.

Пра нечаканую славу Вікторыя даведалася, калі калегі пачалі дасылаць ёй розныя мемы. Прызнаецца, што вельмі хвалявалася, як адрэагуе кіраўніцтва. У той час дзяўчына толькі нядаўна прыйшла ў авіякампанію і вельмі баялася, што яе звольняць.

Але ў выніку кіраўнік проста пажартаваў: «Ну што ты, зорка?». А ў калектыве гісторыя таксама стала мемнай.

«Наша Нiва» — бастыён беларушчыны

ПАДТРЫМАЦЬ

Каментары

Цяпер чытаюць

Крымскі мост зруйнаваны ўдарам украінскіх ракет

Усе навіны →
Усе навіны

Трамп лічыць, што Пуцін ва Украіне мог бы дзейнічаць і больш жорстка12

Сталі вядомыя падрабязнасці разбойнага нападу з пісталетам у Мінску1

Роберт Патынсан стане новым Джэймсам Бондам2

Трамп: Я нічога не чуў пра запаволенне Starlink ва Украіне4

Стыхійныя горкі для цюбінгу ў Мінску будуць засыпаць пяском

У продажы з'явіўся заменнік Nesquik ад «Савушкавага»2

У Мексіцы памёр адзін з найбуйнейшых наркабаронаў у гісторыі4

У Светлагорску рэканструююць ЦКК, дадаўшы новыя аб'екты

У Крамлі заявілі, што будуць далей ваяваць дзеля «міру на стагоддзі»5

больш чытаных навін
больш лайканых навін

Крымскі мост зруйнаваны ўдарам украінскіх ракет35

Крымскі мост зруйнаваны ўдарам украінскіх ракет

Галоўнае
Усе навіны →

Заўвага:

 

 

 

 

Закрыць Паведаміць