Грамадства2222

Міністр сувязі: Абмежаванні мабільнага інтэрнэту закрануць 1,7 мільёна беларусаў

У Міністэрстве сувязі і інфарматызацыі заявілі, што новыя ліміты на мабільны інтэрнэт закрануць не ўсіх, а толькі менш за 15% абанентаў. Пра гэта расказаў міністр Кірыл Залескі.

Здымак ілюстрацыйны

Паводле слоў Кірыла Залескага, безлімітныя тарыфы як такія не адмяняюцца. Пастанова №38 з’яўляецца часткай сістэмнай працы па паляпшэнні якасці мабільнай сувязі ў Беларусі. Дакумент уводзіць абмежаванне на аб’ём трафіку, які можна выкарыстоўваць на безлімітнай хуткасці: ён складзе 30 гігабайтаў у месяц. Пасля дасягнення гэтага парогу хуткасць знізіцца да 1 Мбіт/с.

Як падкрэсліў міністр, гэтыя змены закрануць толькі невялікую частку карыстальнікаў — тых, хто спажывае вельмі вялікія аб’ёмы трафіку. У сярэднім жа адзін абанент у Беларусі выкарыстоўвае каля 16 Гб у месяц. Таму для большасці людзей новыя правілы застануцца незаўважнымі.

У ведамстве лічаць, што такія меры дапамогуць разгрузіць мабільныя сеткі і забяспечыць стабільны і хуткі доступ у інтэрнэт для ўсіх абанентаў. Міністр таксама адзначыў, што калі хтосьці рэгулярна выкарыстоўвае 40—60 Гб трафіку за месяц, варта задумацца пра характар такога кантэнту.

Акрамя таго, Кірыл Залескі звярнуў увагу, што кошт мабільнай сувязі і інтэрнэту ў Беларусі застаецца нізкім у параўнанні з іншымі краінамі. За мяжой безлімітны інтэрнэт часта каштуе $50—70 у месяц, у той час як у Беларусі — каля 20—40 рублёў. Ён таксама падкрэсліў, што з 2022 года тарыфы на безлімітныя планы не павышаліся і іх рост не плануецца ў 2026 годзе.

Каментары22

  • У
    23.01.2026
    У мяне безліміт на хуткасці 1мб, на максімалцы толькі першыя 10 гб, дык я нават на 1мб 60-70 гб выкарыстоўваю ў месяц, а на максімалцы я бы у 3-5 разоў, а то і ў 10 разоў выкарыстоўваў. Хто тыя людзі, якім хапае 16 гб у месяц?
  • Indrid Cold
    23.01.2026
    Нехта там казаў што санкцыі не працуюць. Ну-ну, лукашысты, як там абсталяванне, паізнасілася на байклаўдзе, а новае ніхто праз санкцыі не прадае?
  • Reality check
    23.01.2026
    Польшча, аператар Orange, за $10 (35 злотых) на месяц маю 800Gb на хуткасці 5G.

    Пытанне ў іншым - а навошта ўводзіць такія абмежаванні на дзяржаўным узроўні? Гэта справа не дзяржавы, але аператараў. Нешта тут глыбока ня тое. Мо аператары не спраўляюцца з лагаваннем пакетаў (а яны ж па законе абавязаныя запісваць кожны чых карыстальніка, куды-калі-колькі байт адаслана), таму вырашылі хоць крыху абмежаваць.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»41

Стала вядома, як будзе выглядаць выпраўленая скульптура беларускай жанчыны ў Быхаве19

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць66

Сяргей Ціханоўскі абурыўся беларускай мовай Святланы Ціханоўскай93

Пастаўкі беларускага бензіну ў Расію дасягнулі рэкорднага ўзроўню4

«Знайшлі тэлефон, праз 9 дзён — заплечнік». У Германіі больш за месяц шукаюць 38‑гадовага беларуса

У амерыканскім заапарку вядомая на ўвесь свет бегемоціха з'ела вязаную шапку2

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць