Грамадства2121

У Валожынскім ешыбоце правялі старажытны абрад падпісання ктубы

У Валожыне правялі старажытны абрад падпісання шлюбнай дамовы — ктубы. Яго ўдзельнікамі стала пара з Мінска Эяль і Абігаль, паведамляе БелТА.

Упершыню ў гісторыі сучаснай Беларусі, і Валожына ў прыватнасці, дзе ў 2024 годзе пасля маштабнай рэканструкцыі быў адкрыты ешыбот (ешыва), адбыўся старажытны яўрэйскі абрад падпісання ктубы, або шлюбнай дамовы, як адна з найважнейшых частак вясельнай цырымоніі.

«Я быў уцягнуты непасрэдна ў працэс рэканструкцыі Валожынскага ешыбота, які быў адноўлены дзякуючы падтрымцы кіраўніцтва вобласці ў 2024 годзе. І гэты аб’ект, што становіцца ўсё больш папулярным сярод турыстаў, хацелася напоўніць значнымі падзеямі, у тым ліку абрадамі жыццёвага цыкла. Тут у нас адбыліся першыя цырымоніі паўналецця, а потым адной з пар я прапанаваў падпісаць шлюбную дамову, або ктубу», — распавёў галоўны рабін рэлігійнага аб’яднання абшчын прагрэсіўнага юдаізму ў Беларусі Рыгор Абрамовіч.

На падпісанне ў Валожын прыехала пара з Мінска — Эяль і Абігаль, шматдзетныя бацькі, саюз якіх быў афіцыйна зарэгістраваны дзяржавай.

Аднак да моманту падпісання шлюбнай дамовы як факта ўсведамлення духоўнай роднасці спатрэбіліся гады.

«Для нас гэта вялікі гонар і неверагодная ўдача, што падпісанне ктубы адбылося ў такім святым месцы, як Валожынскі ешыбот. У ім кожная цаглінка, кожны элемент захоўвае водгалас мінулых эпох, што надало цырымоніі асаблівае гучанне. Мы прайшлі вялікі шлях да гэтага моманту. Гэта няпростае рашэнне і вялікая адказнасць», — распавяла Абігаль, адзначыўшы, што гэта быў іх першы візіт у Валожын.

«Хочацца, каб сіла і прыгажосць гэтай зямлі аберагала і нашу сям’ю», — падкрэсліла Абігаль.

Эяль падзяліўся, што спецыяльна да цырымоніі пара падрыхтавала нацыянальныя яўрэйскія касцюмы, у якіх у суправаджэнні музычнага калектыву быў выкананы танец ужо законных перад Усявышнім сужэнцаў.

У сваю чаргу Рыгор Абрамовіч падкрэсліў, што правядзенне абраду ктубы — гэта адзін з фактараў умацавання традыцыйнай сям’і, а таксама адна з умоў развіцця рэлігійнага турызму. Сёння Валожынскі ешыбот прыцягвае гасцей з розных куткоў свету.

«Падпісанне ктубы пакуль не стала традыцыйным — для гэтага патрэбны час. Аднак я ўсё больш упэўніваюся, што Валожын стане месцам прыцягнення турыстаў, у тым ліку і з мэтай правядзення абрадаў жыццёвага цыкла. А яго выдатная інфраструктура дазваляе правесці шлюбную цырымонію ў поўным аб’ёме», — адзначыў ён.

Каментары21

  • Žvir
    31.01.2026
    Pryhoža.
  • хамса
    31.01.2026
    былы дырэктар па дарозе тады мне нейкія дзіўныя пытанні задаваў... *****, а што калі вам прапануюць быць нашым прэзідэнтам? але вы разумееце, што вас будуць шмат крытыкаваць?
    што да чаго? я супраць інстытуту прэзідэнцтва
  • 453543
    31.01.2026
    хамса, у нашых былых традыцыях ва усiм вiнавацiць габрэяу.
    I у гэтых вашых прыгодах таксама вiнаваты яны?

Цяпер чытаюць

19‑гадовы берасцеец Андрэй ліквідаваны пад Курдзюмаўкай8

19‑гадовы берасцеец Андрэй ліквідаваны пад Курдзюмаўкай

Усе навіны →
Усе навіны

Ці можна перамагчы баршчэўнік воцатам і соллю?3

Еўрапейскім грузаперавозчыкам дазволілі ездзіць па тэрыторыі Беларусі. Але толькі пры пэўных умовах

Mark Formelle аб'явіў пра маштабны рэбрэндынг7

«А пятай раніцы спаць ужо немагчыма». Мінчук паскардзіўся ў Мінгарвыканкам на сабачы брэх

З-пад Пінска на Валынь сёння заляцеў паветраны зонд. Украіна лічыць гэта наўмыснай аперацыяй1

У Гаазе прызналі М'янму вінаватай у генацыдзе народа рахінджа1

«Блішчыць як Swarovski». Беларускі палююць на танныя бранзалеты з царкоўных крам3

Беларусь пераплочвае за транзіт калію праз Расію сотні мільёнаў даляраў23

Ілан Маск: Трэба спачуваць не толькі ўкраінцам, але і расіянам34

больш чытаных навін
больш лайканых навін

19‑гадовы берасцеец Андрэй ліквідаваны пад Курдзюмаўкай8

19‑гадовы берасцеец Андрэй ліквідаваны пад Курдзюмаўкай

Галоўнае
Усе навіны →

Заўвага:

 

 

 

 

Закрыць Паведаміць