Свет11

У Варшаве завялі «птушкамат» для ратавання параненых птушак. Кажуць, што ён такі першы ў свеце

У Варшаве на тэрыторыі заапарка пачаў працаваць унікальны кругласутачны пункт прыёму параненых дзікіх птушак — Ptasi Punkt Przyjęć, які ў народзе ўжо назвалі «птушкаматам». Сюды жыхары горада могуць прынесці птушак, якія маюць патрэбу ў тэрміновай дапамозе, паведамляе the-warsaw.pl.

Пункт дазваляе значна хутчэй перадаваць птушак спецыялістам Птушынага прытулку і тым самым аператыўна аказваць ім дапамогу. Кіраўніцтва заапарка сцвярджае, што аналагаў такому рашэнню ў свеце не існуе.

Гэта першае месца ў Варшаве, куды можна звярнуцца пры знаходжанні параненай дзікай птушкі. Пункт працуе 24 гадзіны на суткі, сем дзён на тыдзень, і адразу злучае людзей з супрацоўнікамі Птушынага прытулку.

Дырэктар Варшаўскага заапарка адзначыў, што ідэя стварэння такога пункта ўзнікла шмат гадоў таму і стала рэалізацыяй яго дзіцячай мары — стварыць бяспечную прастору для дзікіх птушак. Хоць сам прытулак развіваўся паступова, «птушкамат» стаў прынцыпова новым і наватарскім рашэннем, якога няма нават у краінах з развітой сістэмай аховы дзікай прыроды.

Новы павільён распрацаваны так, каб даць магчымасць для бяспечнай і зручнай перадачы птушак любога памеру — ад дробных сініц да буслоў. Памяшканне падзелена на дзве зоны: адну для наведвальнікаў і другую, закрытую, для супрацоўнікаў прытулку. Унутры ўсталяваныя спецыяльныя боксы, а сам будынак абсталяваны ацяпленнем, вентыляцыяй, кандыцыянерам, сантэхнікай і відэаназіраннем.

Карыстанне пунктам вельмі простае. Чалавек павінен паведаміць ахове заапарка пра намер перадаць птушку, аднесці яе ў скрынцы да «птушкамата», пакласці ў вольную ячэйку, запоўніць спецыяльную картку з пазначэннем нумара ячэйкі і пакінуць яе побач або ў спецыяльнай урне. Пасля гэтага трэба пераканацца, што дзверцы ячэйкі шчыльна зачыненыя.

Інструкцыі размешчаныя як пры ўваходзе ў заапарк, так і ўнутры памяшкання, прытым даступныя на некалькіх мовах. Наведвальнікаў просяць захоўваць цішыню, не адчыняць занятыя ячэйкі і не пакідаць усярэдзіне ежу ці староннія рэчы.

Каментары1

  • Андрусь
    10.02.2026
    Нарэшце. А то я неяк голуба пабітага ўратаваў ад крумкачоў, дык прыйшлося ахоўніка заапарка прасіць прыняць птушку.

    Прынялі, але ў мяне былі сумневы наконт яе далейшага лёсу... Тут жа ўсё сістэмна.

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць