Грамадства44

Беларусы атрымліваюць жыроўкі пасля студзеньскіх маразоў. Колькі за ацяпленне?

Жыхары шматкватэрных дамоў пачалі атрымліваць квітанцыі аб аплаце камуналкі за студзень. Асаблівую цікавасць ва ўсіх выклікае графа «ацяпленне», на якое гэтай зімой ідзе значна больш энергіі з-за марознага надвор'я. Office Life прааналізаваў жыроўкі з розных дамоў Мінска і параўнаў сумы ў іх з больш цёплым снежнем 2025 года.

Для пачатку паглядзім на старыя хрушчоўкі. Напрыклад, камунальныя плацяжы ў двухпакаёвай кватэры плошчай 45,8 кв. м у доме 1960‑х гадоў пабудовы на вул. Даўгабродскай (пасля капрамонту, але без «шубы») у снежні былі 68,75 рубля (ацяпленне каштавала 16,45 рубля). У студзені выніковая сума вырасла да 78,49 рубля (ацяпленне — 26,15 рубля). Жыроўка «пацяжэла» ўсяго на 9,74 рубля.

Каля 10 рублёў дадала камуналка і ў аднушцы (33,9 кв. м) у раёне парку Чалюскінцаў: ацяпленне ў снежні там каштавала 15,34 рубля, у студзені — 25,2 рубля. Выніковая ж сума ў жыроўцы зараз складае 72 рублі.

Кватэры ў панэльках аказалася абагрэць складаней. Так, камуналка ў трошцы плошчай 70 кв. м у панэльным доме на вул. Ангарскай у снежні абыходзілася ў 113,31 рубля (ацяпленне — 36,25 рубля), а ў студзені ўжо 153,38 рубля (з гэтай сумы ацяпленне склала 66,99 рубля).

Сама жыроўка, як бачым, дадала адразу 40 рублёў.

Жыхары сучаснай двушкі плошчай 54,1 кв. м у панэльным доме 2019 года пабудовы на вул. Алешава за снежань заплацілі 104,34 рубля (ацяпленне — 25,63 рубля), а за студзень — 120,05 рубля (ацяпленне — 41,25 рубля). Гэта значыць, камуналка абышлася на 15,71 рубля даражэй. Дарэчы, на батарэях у гэтай кватэры стаяць рэгулятары цяпла і лічыльнікі, але гаспадары з іх паказчыкі не здымалі, а плацілі па сярэднім.

Менш за ўсё пашанцавала тым, хто плаціць за паслугі ЖКГ па так званых поўных тарыфах.

Напрыклад, уладальнік трохпакаёўкі плошчай 70,79 кв. м у панэльцы 1970‑х на вул. Асаналіева ў снежні заплаціў за камуналку 280,16 рубля (ацяпленне — 199,43 рубля), у студзені — ужо 371,43 рубля (ацяпленне — 301,36 рубля).

У выніку студзень аказаўся даражэйшым за снежань больш чым на 90 рублёў!

Каментары4

  • Ё
    15.02.2026
    НН, ну разбіралі ж слова Жыроўка лінгвісты. Чыста маскоўскае слова, каторае прыйшло да нас у 2000-я. Навошта вы яго стала выкарыстоўваеце ?
  • Тлушчоўка
    16.02.2026
    Ё, згодны. Напрыклад, у маім атачэньні ўжываецца выключна "квартплата" альбо "квітанцыя". Нейкага там "жыроўка" ніколі я ня чуў.
  • 999
    16.02.2026
    jazz, І у лістападе так сам такая ж сумма была.

Цяпер чытаюць

Від на Каложскую царкву безнадзейна сапсаваны33

Від на Каложскую царкву безнадзейна сапсаваны

Усе навіны →
Усе навіны

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой58

больш чытаных навін
больш лайканых навін

Від на Каложскую царкву безнадзейна сапсаваны33

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць