Свет44

Зяленскі: Украіна цяпер мае «карты», і ўсе гэта зразумелі

Прэзідэнт Украіны Уладзімір Зяленскі заявіў, што Украіна цяпер валодае «картамі» дзякуючы поспехам украінскіх вайскоўцаў і развіццю ўласнай абароннай вытворчасці, запушчанай пасля пачатку поўнамаштабнага ўварвання Расіі. Пра гэта ён распавёў у інтэрв’ю ірландскаму блогеру Кейліну Робертсану.

Прэзідэнт Дональд Трамп вітае прэзідэнта Украіны Уладзіміра Зяленскага ў Белым доме ў Вашынгтоне, 28 лютага 2025 г. Фота: AP Photo / Ben Curtis

Зяленскі пракаментаваў сітуацыю, у якой ЗША звярнуліся па дапамогу менавіта да Украіны (у прыватнасці, па пытанні барацьбы з іранскімі дронамі на Блізкім Усходзе), а не да Францыі ці Германіі.

На пытанне, як ён сябе адчувае ў гэтай сітуацыі, прэзідэнт Украіны адказаў: «Добра».

«Цяпер гэта дзякуючы нашым салдатам, цудоўным людзям, вялікай колькасці рознай прадукцыі, вытворчасць якой мы павялічылі з самага пачатку вайны. Цяпер у нас высокі ўзровень», — сказаў Зяленскі.

Ён падкрэсліў, што Украіна мае рэсурсы, якія раней не афішаваліся: «Я думаю, што год назад я таксама іх меў, але мы не паказвалі. Але цяпер усе зразумелі, што мы іх маем. Так, гэта праўда».

«Амерыканцы папрасілі нас, і, вядома, я ганаруся, што мы можам дапамагчы амерыканскім партнёрам», — дадаў ён. 

Зяленскі таксама выказаў меркаванне, што міжнародная супольнасць пакуль не гатовая да глабальнага канфлікту.

Паводле яго слоў, з тэхнічнага пункту гледжання Еўропа гатовая недастаткова, за выключэннем Паўночнай Еўропы і Германіі. Амерыканская армія вельмі моцная, аднак сучасная вайна — гэта не толькі наземныя аперацыі, але і новыя тэхналогіі ракет і дронаў, кажа ён.

Зяленскі адзначыў, што ніхто ў свеце цяпер не мае такога досведу наземнай вайны, як Украіна: «Ніхто зараз не мае досведу з наземнымі сіламі, які ёсць у нас, і гэта не тое, чаму… мы вельмі рады, што маем гэты досвед. Шмат чалавечых страт, не, гэта не пра радасць, гэта пра рэальны досвед, таму што Расія напала на нас…»

Дональд Трамп неаднаразова заяўляў, што ў Зяленскага ў перамовах «няма карт», што козыры мае Расія, бо яна «захапіла вялікую тэрыторыю».

Каментары4

  • Федзя
    11.03.2026
    Filipp, гiтлеркапут
  • Аналiтык
    11.03.2026
    Filipp,
    Не тое, што Пуцiн ды Лука. Яны заўсёды адказваюць за свае словы, так?
  • Filipp
    11.03.2026
    Аналiтык, У тым і справа, кожны з ніх манюка.

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Ва Украіне 14‑гадовая школьніца нарадзіла ад 60‑гадовага мужчыны. Яна кажа, што ён добры бацька, і прасіла не караць яго28

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць