Свет55

Расійскі газавоз, падбіты ў Міжземным моры, пагражае экалагічнай катастрофай

Расійскі танкер Arctic Metagaz, які знаходзіцца пад санкцыямі, цяпер дрэйфуе ў Міжземным моры без экіпажа. На борце танкера вялікая колькасць звадкаванага прыроднага газу, а таксама 450 тон мазуту і 250 тон дызельнага паліва, піша Руская служба Бі-бі-сі.

Судна ўваходзіць у так званы «ценявы флот» Расіі — караблі, якія выкарыстоўваюцца для абыходу санкцый і рухаюцца з адключанымі транспондарамі, каб схаваць свае маршруты.

Танкер быў моцна пашкоджаны, магчыма, марскім дронам у пачатку сакавіка каля Мальты. Экіпаж з 30 чалавек пакінуў танкер у выратавальных шлюпках, іх забрала лівійская берагавая ахова, ніхто не пацярпеў. На спадарожнікавых здымках відаць, што танкер тлее, нахілены на адзін бок, на левым борце ў яго вялікая прабоіна, а вакол судна на паверхні вады — тонкая плёнка, якая сведчыць пра магчымае забруджванне.

Спачатку паведамлялася, што танкер затануў у водах паміж Лівіяй і Мальтай пасля пажару, але пазней высветлілася, што ён застаўся на плаву і спачатку дрэйфаваў паміж Мальтай і Італіяй. У апошнія дні яго цягне да берагоў Лівіі. Цяпер танкер знаходзіцца прыкладна за 83 км ад тэрытарыяльных вод Італіі і за 46 км ад пошукава-выратавальнай зоны Лівіі.

Еўрапейскія ўлады ўважліва сочаць за рухам судна. Дзевяць міжземнаморскіх краін ЕС накіравалі сумесны ліст у Еўракамісію з заклікам прыняць меры з-за высокай рызыкі буйной экалагічнай катастрофы. Лівійскія, італьянскія і мальтыйскія ўлады таксама заявілі пра вялікую небяспеку, бо танкер дрэйфуе некіраваны, а груз на ім можа лёгка загарэцца.

Сакратар Рады міністраў Італіі Альфрэда Мантавана папярэдзіў, што танкер можа «выбухнуць у любы момант». Сусветны фонд дзікай прыроды (WWF) аб’явіў «максімальную гатоўнасць», папярэдзіўшы, што магчымыя ўцечкі таксічных грузаў могуць прывесці да пажараў і доўгатэрміновага забруджвання мора, уключаючы тэрыторыі з рэдкімі відамі і відамі пад аховай.

Каментары5

  • Filipp
    18.03.2026
    Цікава, хто будзе несці адказнасць, калі такая катастрофа станецца?
  • Жвір
    18.03.2026
    Filipp, як хто ? Хто напаў на Ўкраіну і пяты год вядзе супраць яе вайну ? Расея напала, ёй і адказваць за ўсе наступствы.
  • масква , індыя і грэкі
    18.03.2026
    Filipp, масква , індыя і грэкі , фэйкавая краіна сцяга і г.д. самі падпісаліся (за грошы) пад пірацкі танкер

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска3

Нявестка Ліліі Ананіч стала топ-менеджарам у БелТА — вярнулася на радзіму праз чатыры месяцы пасля эміграцыі ў Кітай24

Ва Украіне 14‑гадовая школьніца нарадзіла ад 60‑гадовага мужчыны. Яна кажа, што ён добры бацька, і прасіла не караць яго28

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць