Свет

У Еўрасаюзе затрымалі танкер расійскага ценявога флоту — ужо пяты сёлета

У Еўрапейскім саюзе паведамілі пра затрыманне яшчэ аднаго танкера, які, паводле ацэнкі еўрапейскіх уладаў, звязаны з так званым расійскім «ценявым флотам». Гэта ўжо пятае падобнае судна, затрыманае сёлета краінамі ЕС і Вялікабрытаніяй.

Танкер MV South Star. Фота: vesselfinder.com

Як паведаміла кіраўніца еўрапейскай дыпламатыі Кая Калас, танкер MV South Star быў спынены 20 ліпеня ў рамках вайскова-марской аперацыі IRINI па падазрэнні ў парушэнні міжнароднага марскога права. Паводле даных сістэм адсочвання суднаў, танкер ходзіць пад сцягам Камеруна. Пасля праверкі ён знаходзіўся ў заходняй частцы Міжземнага мора і рухаўся ў бок Туніса.

Найбольш актыўна ў затрыманнях суднаў, якія падазраюцца ў абыходзе санкцый, дзейнічае Францыя. З пачатку года французскія ўлады затрымалі тры танкеры. У студзені быў спынены Grinch, у сакавіку — Deyna, аднак пазней абодва судны вызвалілі. Яшчэ адзін танкер — Tagor — французскія вайскова-марскія сілы пры падтрымцы Вялікабрытаніі затрымалі 31 мая ў Атлантычным акіяне. Паводле французскага боку, ён таксама выкарыстоўваў ілжывы сцяг Камеруна.

Чацвёртым затрыманым суднам стаў танкер Smyrtos, які 14 чэрвеня быў спынены брытанскімі марскімі пехацінцамі ў праліве Ла-Манш. Судна ішло з расійскага порта Усць-Луга пад сцягам Камеруна і перавозіла каля 100 тысяч тон нафты гатунку Urals. Кошт грузу ацэньваўся прыкладна ў 35 мільёнаў фунтаў стэрлінгаў. Улады Вялікабрытаніі разглядалі магчымасць продажу гэтай нафты, а капітана судна — грамадзяніна Індыі Аджая Панта — абвінавацілі ў парушэнні санкцыйнага рэжыму.

Аперацыя IRINI праводзіцца ў цэнтральнай частцы Міжземнага мора з 2020 года. Першапачаткова яе мэтай быў кантроль за выкананнем эмбарга ААН на пастаўкі зброі ў Лівію, а таксама барацьба з незаконным гандлем нафтай і кантрабандай людзей. Акрамя таго, Кая Калас паведаміла, што краіны ЕС пашырылі паўнамоцтвы яшчэ адной вайскова-марской місіі — Atalanta, дазволіўшы ёй праводзіць аналагічныя праверкі суднаў каля ўзбярэжжа Самалі.

Расійскім «ценявым флотам» называюць судны, якія выкарыстоўваюцца для перавозкі расійскай нафты, нафтапрадуктаў і звадкаванага прыроднага газу ў абыход міжнародных санкцый.

Каментары

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска3

Нявестка Ліліі Ананіч стала топ-менеджарам у БелТА — вярнулася на радзіму праз чатыры месяцы пасля эміграцыі ў Кітай24

Ва Украіне 14‑гадовая школьніца нарадзіла ад 60‑гадовага мужчыны. Яна кажа, што ён добры бацька, і прасіла не караць яго28

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць